حنين

[سامى سر الختم]

نزف وجع الفراق منى
لما اشتقت لى زولا
على سافر وساب حنى
جنيت بعدو الودار والضيق
شقا الوحده
عيون تسأل عليو فينى
هو ليه سافر
وكت كنت العزيز ليهو
وليه فى الشده ما زارنى
انوح وابكى
اطمن قلبى فى حسره
هو يمكن لسه طارينى
حليلو هناى رحل منى
وشال النوم وزاد همى

[ابراهيم عثمان]

والله يا سمسم شفت الكلام الحنين والرهيف دة بيقوم علينا الاستلهبات
وتخلى والواحد يستفرغ آهاتو كلها وينزف دموعو كلها وينوم متوسد اهاتو ودموعو
ويصحى تاني على يصنع من الصباح أمل يعيش بيهو باقى يومو ..
ما اصلو الحنين صعب .. والاصعب من كدة لما تكون مسافر او حنينك مسافر لي ناس عزيزين ..

على جنب:
سجارتك قصبة.

ابقى طيب

[سامى سر الختم]

ابراهيم عثمان ...ماهو كل يوم بى نفتش لى شوية امل يودينا لى بكره
وكل مايروح الليل نقول بكره حايكون فى صباح الصباح يقوم يمشى زى الليل
يعنى فى النهايه نكتشف انو الكلام البى نعمل فيو خارم بارم واعندو اى معنى
واهو نعيش ميتين