ضفة الأحزان

[أنور ميرغني]

يا بنية من لون الصباح
ليه بيني بينك خاتة ضفة ؟؟
ضفة تفصلني عنك ...
علي الأحزان تفتح شرفة
وأنا غير عينيك ...
وين معاني الحب أصادفا ؟؟
وين ألقي عصفورة ريد ؟؟
تحلق بي في سما الإلفة
ما إنتي القمر الويحيد
وبعدك نور الدنيا إنطفا
وفتشت في عيون الناس
لو ألقي غير عينيك مرفأ
عينيك هي البتلهمني المعاني
وكتين أشوفك إنتي صدفة
والليلة راحلة سايباني ؟؟؟
كيف بعدك أيامي تصفا
ويا يانعة زي كل الورود
ليه بيني بينك خاتة ضفة
ضفة تفصلني عنك
علي الأحزان تفتح شرفة

[الحاج أبو عاقلة]

رائع يا انور إتدفق نحن في إنتظارك
أبو عاقله

[حجر الظلت]

لك مودتي ولي كلماتك

[أنور ميرغني]

الرايع كمال الطريفي كلماتك تاج يزين هامة أشعاري
لك مني ألف تحية ...