يا قلبي لا تندم

[أنور ميرغني]

مدخل :
خلاص يا قلبي تهنا
والأمل الفينا راح
خلاص إتبدل فرحنا أسي
وفارق عيونا الصباح
ويا قلبي شن وداك تحب
في زمن فيهو الهجران مباح
تغرس تواريب الريد جواك
تحصد ندامة وجراح
النص :
يا قلبي بالخلقك حلفتك
تتوب ترجع للصواب
من ها السكة إيه جنيت
غير الحسرة والعذاب
ولمتين في عنادك بتتمادي
تسوق خطاي ورا السراب
وتتناسي يا مسكين إنو العمر
بالثانية محسوب حساب
يا قلبي خليك شجاع ...
خليك صخرة في وش الصعاب
ومن العليك حقو تتعظ
لا تمشي في السكة اليباب
ما إنت في ماضيك كنت أقوي
و بتتفجر حيوية وشباب
كت في علاك ومجدك علم
ترفرف فوق مع السحاب
إيه حصل غير ملامحك
صبحت زي عصفور مصاب
سرق الزمن بهجة أيامك
خلا الأهة والهم ليك صحاب
كفاك ألحق عزة نفسك
لمها قبال تمس التراب
ونحنا لو ما إتعلمنا الصبر
شن فايدة قلمنا والكتاب
وليه بنبكي فقد إنسان ؟؟؟
ما دام الخالق كم زيو جاب
ليه بنبكي فقد إنسان ؟؟؟
مادام الخالق كم زيو جاب

[أنور ميرغني]

أعضاء المنتدي الأفاضل أرجو إفادتي بأرائكم ولكم جزيل شكري ...

[حجر الظلت]

الأخ الحبيب أبو نورا
والله القصيدة بس ناقصة تلحين ..
وأمس بالليل بعدما قريتها حاولت ألحنها بس فشلت :cry:

[أنور ميرغني]

شكراً جزيلاً أيها الرائع حتماً كمال الطريفي فكلماتك تاج يزين أشعاري
أرجو أن يدوم التواصل ..
وحتماً سنلتقي في براحات هذا الوطن العزيز

[الحاج أبو عاقلة]

والله يا ابو نورا كلماتك تجنن وهي قصائد غنائية بالرغم من اللونية البكائية التي تعتريها فهي أيقاعها يشبه الموضه هذه الايام -ىأنا أحب السهل الممتنع ولا أيه رأيك

[أنور ميرغني]

شكراً جزيلاً أخي الحاج علي هذه الكلمات الطيبات ولك معزتي ....
أنا ما إخترتها أحزاني
بل إختارتني الأحزان

[الكركسي]

هلا بدار جعل

[احمد ادروب]

القصيده في منتهى الروعه والجمال
شكرا ليك

[ابو انفال]

قصيدة رائعة
مشكور كتييير