جدعه

[جبر الدار محمد جبر الدار]

يا منبت النبت المخدر زرعو
يا مبدل الدم باللبن فى ضرعو
يا رازق الخلوق حتى المخالف شرعو
خدرعود شدرى الديمه يابس فرعو

[aza]

ودقرير هندى وقرافى
سلام
وفى جنينة سيدى حلو الكلام
ندى أبسمكه والهندى وولاد طه وعلى الطيب
سلام ياود نبت المخدر
والشوق يهتف ندى تحتحة باجور
ولك الود

[جبر الدار محمد جبر الدار]

الله يا عزه والله على القرير من ود دارا لود جارا
شكرا عزه على المرور لكن ليه دموع الدم دى؟

[أبوبكر محمد الصادق]

حبيبنا جبر الدار لكين جدعتك خطيرة
وهاك دي من من المك نمر

ملفحه يا بلد بالحر يلاوى النسمة
مطبول اللسان مفتاحو ضُلْ الرسمه
ضَرْبْ المستحيل كَتَّف رموش النجمة
إنْ صَحَّ الكلام فى عينو تصحى الكجمة
يايوم من حلم زيد فينا طول الهجمة
يابلد اندفر فى رحلتو المنقسمة
ما تورْ إنْ وقع ..... يكتر بياض البسمة
تحياتي
أبوبكر

[Abu baker]

سلام .. جبر الدار ..
أُماتي القبيل بي حنهن لقني

كرفة وقلدة كيف شوف اللبن

رجنّي حزنا جاني في

ميع الصبا يلجني اطلع
مني يا جلدي المنمل جني

واطلع مني يا حزنًا بقى مكجني

خلني ابدا مسداري
واودي قفايا لي دارا بقت مي داري
جيت الجلدي بيني وبين عضايا الشحمة الا النار بقت قدامي
جلدي الليلة بيني وبين عضايا المافي
الا تراني شوال الكبس نفيخ جلاليب الورم هدانّي
في جلدي الورم قولنلي ولا صحي الورم عضاني
سفريتك مي في النية
ماها الكانت محرية
خابراك عريف زم العربان ولّا قيام الوردية
مالك تريان ومندي كاسي الكتان والهندي
قولك ككيف ترجى البيشان ولا الغربة البي زندي
برق العبدلي الوزني ما طاش يا جاب المزن
فرق ياالضيف فعل الغضبان انفر ثيران الحزن

شن القعدة يا ابو السرة شن القعدة
في ضل العمارات ام كمرتًا بره .. ضقنا الحنضل اليانكي
وبلعنا المرة كملت كوتة التمباك صقعنا الجرة
وكت اتقفلت شقيش قبل بالمرة لن
يأمرنا في بلد المعاني الحرة
الشم خوخّت بردن ليالي الحرة
والبراق برق شوف عيني الصقير بي جناحو كفت الفرة
تلقاها ام خدود الليلة مرقت برة
مرقت برة تغلي مديدة الحلبة التسمن ردفها
السمن المبستر يانكي
والويقود قعيرات الدخان في العين وفي الفشفاش بسوي عمايلو
شن فايدة مديدة الحلبة يا ابو السرة شن فايدة مديدة الحلبة
الويقود يشيلو اليانكي
قامت من دخاخين العمى تلمع وشيها اليانكي مستنيها
كان اليانكي مستنيها في مراية السجم
في الليل لقيتها متل فرايخ الطير مرق ود عينها من ود عينها
رجافة المزمة الحمى جفلت منو وقعت عندي صدرها بغلي
يا ابو السرة شفت اليانكي في ود عينها
حسها للبحر
يمكن يغسل عينها من اليانكي
فتنا الحجرة بالكتة وغتسنا مسافة
تبقى قدر مسالك الريده ما لاقانا من يغبانا في
البحر الفضا التحتاني
ناس عارفاها ناس عارفاك ناس عارفاني
نادينا القعونج والبلطي قرقور السمك ودانا لي دابي الخشش
نادينا عمال الطمي الصارقيلا والقرموط وود الموية وقتنا عليها
كانت نايمة عجال البحر حارساها
كا نت نايمة بين حجرين
وضل ساسوية وعمال الطمي
الصحونا خابرين الدروب لمّو حصى البحر قسموهو
يات من كان سبع جمرات دابي الخشش قال ادوها
في الجمرات تلات سبعات
قلنا ادوها في في الجمرات تلات سبعات
مسكنا دربنا وعمال الطمي مرقوبنا في مشرع مسارب الضي
لقينا الدنيا تترجانا قوقى القمري خوّى صغيرو وعوّى حدي
وعمال الطمي الصحونا لمّو على البعرفو الصي
حصى القيزان دوابي الدارقة والسحلية والناس التحت
خابرين عمايلاليانكي
قولن للاخلا ديارو
دمك فرهد في نارو
غورّ في الارض طارو صقرين
اولاد الارض ما طاروا
لحمي غطى بن عمي شو صار حالو يا امي
منديل العرض في بيت الدين دمي ما يخلي دمي
انا من دير يسن صرنا في جزر التين
عم نسقي بعض حب الزيتون
بدو يرجع للطين صابرا تحت الدورية
صابرة تحت الدورية .. صابرة فوق الدورية
يا حالة ضد لحم الطفلين نابت غصن الحرية جزري مو في شاتيلا
ما قال حالي يا ويلا احنا في الارض
ارض فلسطين يا امي
هيلا هيلا
قوقي القمري خوّا القي وعوّا حدي
وكنا جماعة دابات الارض والسايمة وعوامة البحر والطير
وحتى الغيمة دفاقة المطر فوق راسنا شايفة الدرب
دريب اليانكي لا يودرنا قال الدابي للضليلة خليك صاحية
زوغ اليانكي لايودرنا
قال الدابي ان يغباها ما بيغباني
ولما الشم مودع غاربة وصّت جملة الصقار عيونن كاربة
ابقو الف بفوت للمتلكم ناهدين
وفوق دينن عريبا غادي
قال السحلي لا تغشوهو دول عربان توابع اليانكي
قال الجمعي لا نغشاهو دول عربان توابع اليانكي
وخلوها العريب الغايبة السراق طليقو معاهو
تيجانا عروشها الخروع الهش العويش النار تعلق فوق عقال العرش
ولا خسانا بي هادي العروش الغربة
يا ابو السرة لا عقام مسكنا دربنا وعمال الطمي الصحوها
خابرين الدروب
مرقوببنا من وادي الضلمة الكان عقب لمينا في باقي الجمع قاصين دريب اليانكي
شمور الضيب في الكنغو وخبرا من جنوب امريكا ومن كلهاري ديبا ضاري
والتمساح وليد امزون ونمرا في النمور كمبودي ونمرة خلا الله مكسيكية
ولما لميمنا والشمس البتوقد فوقنا شد شديدنا التمثال مشيل روقنا وعالم حر
يدوعل فوقنا لي يوم فوقنا نبزغ فيهو في عينيهو جر واسوقنا

يا شمس طلي طلي
شاوري على بيتي دلي
كيال الكيل ختياري مات
ظلي عم يحرس ظلي
عادل على خيي ميلي خيي لا يحمل شملي
ما خف الشمل تاني المرات ما كل الرصاص شيلي
عيني في الفيل ما ظله
كلنا ندريه ما نضله
يا ويل الويل نرمي الجمرات
عدّي المستشهد كله.. "مسدار ابو السرة محمد طه القدال"
....
ونِم يالفنجري نِم ..

تحياتي جبر ..

مجتبى ..

[ahmed aldabi]

hey
iam so delighted to know you ,tell me why you are crying ,what happened time as it is . life not stopped yet , any thing tail the nice & beauty dreams will coming soon , am so sadness becoz siutations in middlle east is geten worse as result of escalation fighters between hizb allah (great party) & Jewish millatry .so bye arab governors for ever no one try as moment to support or help resistances army there ....god help people with belife of element of islam its our destiny (fate) to born in area governors loolk to there utlities not to exsitance of arab nation

[سونيا]

هههههههههههههههههههههههههههههههههههههههههههههههههه هههههههههههههههههههههههههههههه
الجدعات عندككككككككككككككككككككككككككككككككككككككككككككككك كككككككككككككككككككككم

[حجر الظلت]

البلد الأبوك عمدوا وجفوك نظاروا
زي المتلي قاعد فوقو شن أفكارو
أولى الخترة فوق جملا تكب فقارو
ما خالقنا زول .. مولانا واسعة ديارو..

(يا جماعة في زول عارف الأبيات دي شاعرها منو ؟)) :!:

[جبر الدار محمد جبر الدار]

شكرا جزيلا على المرور والمشاركه وبالجد الواحد يقول يكتب حاجه جميله
يلقى نفسو قدام البتكتبوهو ولا حاجه.