سؤال صعب للمتزوجين والمقبلين....

[نانا شمس السودان التي لا تغيب]

سلامات اعزائي

سؤال طرحتو علي صديقتي اتزوجت في العيد الفات وصراحة ما قدرتا ارد عليها ....احكي ليكم القصة واتمني انكم تردوا علي من رايكم الشخصي ....


اتزوجت وإنتقلت لعش الزوجية وهو في نص البيت مع اهل زوجها فإتصلت علي وقالت لي في حاجة مضايقاني وماعارفة اتصرف كيف

قالت انو زوجها عندو عربية واحيان كتيرة بتجمعهم مشاوير مع بعض(الام الزوجة والزوج) فقالت هي بتكون محتارة تركب قدام ولا تخلي والدتو تركب ....متحسسة من الحتة دي وماعارفة تتصرف كيف؟

سألتني مجموعة من الاسئلة وصراحة ماعرفتا ارد غير رد بسيط جدا وماظنيت انو عجبا...

قالت لي....

لو طلعنا انا وزوجي مشوار وجيت راجعة وانا راكبة قدام والمفروض هي تمشي معانا مشوار تاني فهل انزل ليها واركب ورا ولا اخليها هي تركب ورا؟؟

والله سكتا مررررررررررة واحدة ماعرفتا اقول شنو بس قلتا ليها
انتي من باب الزوق قولي ليها اركبي قدام عشان تطلعي من الحرج ...

فيا جماعة سؤال جد مهم وحاجة صغيرة ممكن تعمل موضوع ومشكلة

في رايكم الحل شنو؟؟؟

[مامون علي]

الام لازم تركب قدام من اي ناحية ذوقية ودينية واحترام الاكبر وما في جعلي بركب زوجته قدام وامه وراء ده راي الخاص واتمني ان تدلوا بارائكم .

[نانا شمس السودان التي لا تغيب]

الام لازم تركب قدام من اي ناحية ذوقية ودينية واحترام الاكبر وما في جعلي بركب زوجته قدام وامه وراء ده راي الخاص واتمني ان تدلوا بارائكم .

تسلم مأمون كتير بس اشمعنا قلتا جعلي؟

[ود النتيفة]

مافيها حاجة

الناس ما تعقد الامور

الواحدة تركب محل ما تركب كان الام او المرة مافرقت

بعدين انا شايف وراء احسن

[البسلامي]

ساهل جدآ
الاتنين يركبن وراء:dance9bh::dance9bh::dance9bh:

[نانا شمس السودان التي لا تغيب]

ساهل جدآ
الاتنين يركبن وراء:dance9bh::dance9bh::dance9bh:

ههههههههههههههههههههههههههههههههههههههههه

والمسكين القدام دا؟؟؟

[نانا شمس السودان التي لا تغيب]

مافيها حاجة

الناس ما تعقد الامور

الواحدة تركب محل ما تركب كان الام او المرة مافرقت

بعدين انا شايف وراء احسن

وراء احسن لي منوووو؟؟؟

[نانا شمس السودان التي لا تغيب]

انا شايفة انو يمشي يبيع العربية دي ويريح روحو

[ود النتيفة]

وراء احسن لي منوووو؟؟؟

انا اقصد حقو المنافسة يعنى تكون فى الوراء

غايتو حقو الام يكرموها ويركبوها وراء

اول شئ واسعة بتاخد راحتها

بعدين الناس الراقيين والمهمين زى الرؤساء بركبو وراء

عشان لو جاء حادث الام تمرق منها سلامة

بعدين الزوجة ان بقت ماس......... احسن يكونو الاتنين وراء


طيب عندى سؤال يانانا

لو بقن الاتنين زوجاتو؟

[ود النتيفة]

انا شايفة انو يمشي يبيع العربية دي ويريح روحو

ويطلق المرة

مع تحيات البصيرة ام حمد

:tee43::tee43::tee43:

[نانا شمس السودان التي لا تغيب]

انا اقصد حقو المنافسة يعنى تكون فى الوراء

غايتو حقو الام يكرموها ويركبوها وراء

اول شئ واسعة بتاخد راحتها

بعدين الناس الراقيين والمهمين زى الرؤساء بركبو وراء

عشان لو جاء حادث الام تمرق منها سلامة

بعدين الزوجة ان بقت ماس......... احسن يكونو الاتنين وراء


طيب عندى سؤال يانانا

لو بقن الاتنين زوجاتو؟


دي مشكلة........... يقوم يشتري رقشة والاتنين يدفسوا ورا:24::24::24:

[نانا شمس السودان التي لا تغيب]

انا اقصد حقو المنافسة يعنى تكون فى الوراء

غايتو حقو الام يكرموها ويركبوها وراء

اول شئ واسعة بتاخد راحتها

بعدين الناس الراقيين والمهمين زى الرؤساء بركبو وراء

عشان لو جاء حادث الام تمرق منها سلامة

بعدين الزوجة ان بقت ماس......... احسن يكونو الاتنين وراء


طيب عندى سؤال يانانا

لو بقن الاتنين زوجاتو؟


هههههههههه انتي صحبتي دي مالك معاها هههههههههه

[الوردة]

الإحترام واجب يركب امو قدام

وليس في الأمر صعوبة لانو مهما يكون دي مرة كبيرة

[مااانو]

لو كان الفهم بتاع ورا و قدام فهم افضليه : مفروض صاحبتك تدى الافضليه لام زوجها : العمر : الاحترام : توقير الكبير : التودد : و غيرها .
---
انا بعتبرها هيافه من مجرد السؤال المفروض ما تخت راسها براس ام زوجها و لو عملت كدا بيقى مشكله :
----------------------------

[ودبلة]

تدرس حالة الوالدة اذا كانت متفهمه الوضع تركب ورا
اذا كانت غيورة تركب قدام تفادى للمشاكل
الزواج مزوج اى جوز و الجوز متوازى الخط
بمعنى الزوجة بجوار زوجها

[بنت الامارات]

أهلا أختي
بصراحة من باب الذوق والأدب والاحترام يركب الكبير قدام أيا كان ...
و قولي لصاحبتك اشياء بسيطة مثل هاذي راح تخليها كبيرة ...
مشكلة كثير من الزوجات حب التملك في كل شيْ ... هداهم ربي .
تحياتي

[محمد محبوب]

انا بركب المرة وراء

[بامسيكا]

الام ثم الام ثم الام


المرة تركب ورا ولو العربيه اسبورت تركب فى الضهرية كمان

[الهندي]

صاحبتك دي ما عندها أي موضوع

ما تركب ورا وتخلي امها تركب قدام

[الكلس]

الموضوع ما محتاج حيرة ام الزوج في مقام امها بتقبل امها تركب في المقاعد الخلفية لو هي معاها. . . الحاجة المهمة دي بروتكولات شكلية ما المفروض تتديها حيز في حياتا الزوجية ، وفي راي الزوجة البتشغل نفسها بالحاجات دي المفروض يعاد النظر إليها من ناحية تحملها لاعباء المستقبل . .. وخصوصا هي زوجة جديدة . .. ودي و سلامي

[الكلس]

الام ثم الام ثم الام

المرة تركب ورا ولو العربيه اسبورت تركب فى الضهرية كمان

با مسيكا ان شاء الله لا تفوت ولا تموت . .. ولا . ..

[الكلس]

أهلا أختي
بصراحة من باب الذوق والأدب والاحترام يركب الكبير قدام أيا كان ...
و قولي لصاحبتك اشياء بسيطة مثل هاذي راح تخليها كبيرة ...
مشكلة كثير من الزوجات حب التملك في كل شيْ ... هداهم ربي .
تحياتي

السؤال المحير . . . من الاد الزوجة الحق في انها تركب قدام . . .؟؟؟؟

[النحاس الرز]

الأم قداااااااااااااااااااااااااااااام

والزوجة ورا ...

ودى ما دايرة ليها نقاش ...

لأنو الرسول (ص) قال عن الأم ( الجنة تحت أقدام الأمهات )

وقال ( ص ) عن الزوجة ( لو أمرت أحد أن يسجد لأحد لأمرت المرأة أن تسجد لزوجها )

صدق رسولنا الكريم ...

[ود الشقالوة]

فعلا مشكلة

[باشرى]

المفروض الام وراء ليس تقليلا ولكن تعظيما وتوقيرا لها اين يركب الملوك والرؤساء حتى الناحية الامنية تتوفر فى المقعد الخلفى فمن اولى به اكيد كلاهما ولكن ان بقى خيار فالام .... واختلاف الراى لايفسد للود قضية

[الفنجرية]

انا غايتو وعن تجربه شخصيه الام قداااااااااااااااااااااااام بلا تفكير والاحترام برضو واجب

[الفنجرية]

وحتي لو الام رفضت المفروض هي تصر علي كدا لانو شينه تكون الام بورة برااها

انشاء الله كان يحلف حرام







وبصراحة ومع احترامي لجميع الاراء




الا يكون الراجل مرتو هارشاه البركب امو ورة ومرتو قدام


ومعليش ما تزعلو لصراحتي

[صلاح البدوى]

من أحق الناس بحسن صحابتى؟؟؟
الأم ثم الأم ثم الأم ثم الأم ثم الأم @@@

الموضوع أصلا ما يحتاج تفكير الأم فوق الكل

تقبلى مرورى وتحياتى

[ياسر الهاشمي]

أكيد الام بدون نقاش تركب قدااااااام لقوله (ص) امك ثم امك ثم امك.
تادباً ووقاراً واحتراماً

[بت الهاشمي]

أكيد امه تركب قدااااااام لقوله (ص) امك ثم امك ثم امك.
إحتراماً لوالدة زوجها واحتراما لزوجها ايضاً
تقبلى مروري

[ابو خالد الفولي]

أهلا أختي
بصراحة من باب الذوق والأدب والاحترام يركب الكبير قدام أيا كان ...
و قولي لصاحبتك اشياء بسيطة مثل هاذي راح تخليها كبيرة ...
مشكلة كثير من الزوجات حب التملك في كل شيْ ... هداهم ربي .
تحياتي

عين النصيحة بنت الامارات

عن نفسى امى ...........لا اقبل فيــــــــها على الاطلاااق
تفاحة لى امى .....وتفاحة لى ولدى ....
هكذا تعودت وهى بحنيتها تعطى ابنى تفاحتها ....وتدسها ليهو


لا مقــــارنة على الاطلاااق


اساليها :-
ولدها هى اذا تزوج ....هل ترضى ان تركب زوجته قدااام ويتركها فى الخلفية ؟؟؟؟
عندها ستعرف الاجابة

[ابو ماب]

المقاعد الخلافية دي بركبو فيها الروساء والوزراء والشخصيات المهمة
والله رايكم شو

[ود ابو الحسن]

انا من رائى يعلم المرة السواقة وهو ينقطع وراء
ويخلى الحريم قدام

[ياسر حمزه]

شمس السودان التي لا تغيب موضوعك والله عجيب


العربية دي قدام شايلاهم كلهم ..


وكان ما بتشيلهم الخيار للأم في الركوب هي مخيرة ورا ولة قدام على كيفها ..

[ياسر حمزه]

وكان الراجل المرة راكبين قدام والأم ماشين عليها الراجل إنهر المرة ويركب أمو محل المرة قبال ما تنزل المرة براها وان كانت العربية بوكس والمرة تكون سعيدة بذلك وإلا ...

[شنتير]

أنا من رأيي أنه إذا لزم الأمر أن يخرج ثلاثتهم معا (الزوج + الأم + الزوجة) وهي حالة لا تتكرر كثيرا ، يستأجروا تاكسي . والراجل يركب قدام والنسوان ورا . ويا دار ما دخلك شر .
بعدين يا نانا صاحبتك دي ما دام من قولة تيت بتغرق في شبر مية ، ماذا هي فاعلة عندما تظهرلها مشاكل أكبر ؟؟؟

[همس الاماسى]

مشكله والله وخاصه انهم ازواج جداد
لكن من باب الزوق والادب والام ماتحمر ليها
ادو الحاجه الكرسى القدام


تخريمه
انا عندى خالتى بتركب معا فى البكس ورا ولمن نمشى زياره اناس تركب معاى
قدام قدام الناس نتحرك شويه يعنى نضاره من الناس تقول لى اقيف نزلنى
عشان تركب ورا
الحاجات ديل ما بحبن الزحمه

[المكحل بالشطة]

سلامات اعزائي

سؤال طرحتو علي صديقتي اتزوجت في العيد الفات وصراحة ما قدرتا ارد عليها ....احكي ليكم القصة واتمني انكم تردوا علي من رايكم الشخصي ....


اتزوجت وإنتقلت لعش الزوجية وهو في نص البيت مع اهل زوجها فإتصلت علي وقالت لي في حاجة مضايقاني وماعارفة اتصرف كيف

قالت انو زوجها عندو عربية واحيان كتيرة بتجمعهم مشاوير مع بعض(الام الزوجة والزوج) فقالت هي بتكون محتارة تركب قدام ولا تخلي والدتو تركب ....متحسسة من الحتة دي وماعارفة تتصرف كيف؟

سألتني مجموعة من الاسئلة وصراحة ماعرفتا ارد غير رد بسيط جدا وماظنيت انو عجبا...

قالت لي....

لو طلعنا انا وزوجي مشوار وجيت راجعة وانا راكبة قدام والمفروض هي تمشي معانا مشوار تاني فهل انزل ليها واركب ورا ولا اخليها هي تركب ورا؟؟

والله سكتا مررررررررررة واحدة ماعرفتا اقول شنو بس قلتا ليها
انتي من باب الزوق قولي ليها اركبي قدام عشان تطلعي من الحرج ...

فيا جماعة سؤال جد مهم وحاجة صغيرة ممكن تعمل موضوع ومشكلة

في رايكم الحل شنو؟؟؟

نصيحتك صحيحه

تخريمه:-الحل زوجها يبيع العربيه ويشتري الجزيره :icon_biggrin:

[هيثم احمد]

اصلا مافي شي يسلوا منه ولو في تحترم الحاجة وخلاص

[خالد الجعلى]

فى راى الشخصى

تبدى احترامها لوالدت زوجها حتى تكبر فى نظرها
وحتى لو هى فى المقعد الامامى ممكن تنزل وتركب فى المقعد الخلفى مافيها حاجة بل العكس حتكون رفعت من رصيدها عند الام وابنها
بحترامها للاثنين معا
اما راى الشخصى الاخر
من المستحيل ان تكون امى فى المقعد الخلفى وزوجتى فى المقعد الامامى

[انا المك]

والله سؤالك في محلة

الام لازم تركب قدام في كل الاحوال

لانه الام زيها مافي الدنيا

الزوجة ممكن تتبدل بي واحدة تانية


لكن الام مستحيل


ده بي كل بساطة رد للسؤال


والسلام

[أبو همام]

مافيها حاجة

الناس ما تعقد الامور

الواحدة تركب محل ما تركب كان الام او المرة مافرقت

بعدين انا شايف وراء احسن



ود النتيفة

كيف حالك يا زول

رايك صائب، الكنبة الخلفية افضل للوالدة، والمدام قدام في كرسي الشهيد :D

[ود النتيفة]

ود النتيفة

كيف حالك يا زول

رايك صائب، الكنبة الخلفية افضل للوالدة، والمدام قدام في كرسي الشهيد :D

عليك نووووووووووووووووووور

الام بعدين زى رئيس الجمهورية

ما تقعد قدام

[ايهاب]

اكيييييييييد الام قدام والزوجة وراء

[كمال كيلا]

موضوع عادى ممكن تنزل من قدام وتركب والدة زوجها تكون هى مستفيدهوالله يا نانا الموضوع حصل قدامى ام الولد قالت هى دايره تستولى على ولدى من هسع

[سلسبيل]

:eh_s(7): الحترامات مقامات


هي العزيزة : تركب قدام

لو ماهي ماكان هو وماكن انا

[جقار]

أنتى صاحبتك دي راجلها ده إضينه مابعرف بتصرف براه حتى تعملي الحكاية موال وكدة أحرجتي ناس الرايات بسؤالك ده .
جقار ده من أشعرشعراء المنطقة وخاصة في المواقف دي

بيعوا العربية وخليها ترتاح.
ولو هي في مكان الراجل كان حاتركب أمها وين اللهم أرحم الأمهات الماتوا بمغص حريم الأولاد: :

[ساداتكو]

...

طيب يا نانا سلام عليك اولاً

وتانياً الحاجة دي ممكن تفضي لسؤال منك لاختك القالت ليك متحسسة ما عارفة تتصرف كيف

طيب كان تقولي ليها دي اذا كانت امك كان حا تخليها تركب بي وراء وانتي قدام؟؟؟
اكيد ومن غير حرج حا تقولي ليها يا يمة تعالي اركبي قدام (بس عشان هي كبيرة) نخُت حكاية انها امك والواجب عليك تبريها وتديها الحاجة المريحة اكتر منك انتي لانو لو لا هي لما اتيتي لهذا الفسيح...

وبنفس الفهم ام الزوج هي الام الثانية لزوجة الابن رغم الاختلافات النادرة في بلدنا

وحتى ولو بيناتن كان خصام من الأولى ان تركب الأُم سواء كانت ام الزوجة او الزوج في المقدمة لانو هي الام والزولة القالت ليك محتارة دي ما اظنها عرّبت معنى اُم او تفهمت معناها الحقيقي...

فسورة ا لفاتحة هي ام الكتاب الشريف الذي ارسل به سيدنا محمد صلى الله عليه وسلم ولذلك هي في مقدمة السور الكبيرة سواء كانت او الصغيرة او العظيمة...

والأُم هي ثلاثة دونما الرابع كان الأب في الحديث القدسي (المهم ذُكرت اولاً لإجلالها)...

فالأُم مدرسة يا هؤلاء واعيوا هذا الفهم تماماً

...

[رتالى]

نانا يا نانا :61::61::61::61:

الأم هي الأساس ان كانت ام الراجل او ام المرأه

والاحترام والذوق والادب يخلينا نخلي الأم هي التركب قدام

طبعا لو كانت ام الزوجه مهما كان حسب تقاليدنا ما باتركب قدام (تقاليد وعادات)

لكن صاحبتك دي زي ما قال الأخوان تجعل ام الزوج في مقام والدتها

وتري ماذا كانت تحب لوالدتها (ناسيه حكاية امها مستحيل تركب مع زوجها قدام)

اذن الام الام الام الام الام الخ مهما دعت الظروف وخلونا من البرتوكولات العملته فينا

مو شويه

الجنه تحت اقدام الأمهات (وما احلانا من يفوز بالجنه)

وتاني يانانا :61::61::61:

[المسيكتابية]

من الزوق و الاتكيت

الام قدام طبعا ..

[الختمي]

المرة قدام والام وراء ،،،
وإليكم الاسباب :-
* قدام ولا قدر الله اذا حصل حادث ممكن تجيب مرة لكن ام ما بتقدر تجيبا
* ركوب وراء لمن لا يعلمون هو ركوب الشخصيات ال vip
* انا شخصياً البجي اول بركب معاي قدام وما تتحسسو ياجماعة الموضوع اقل من عادي

[جمرية]

الام قدام
والزوجه ورا

[ابومنال]

بسم الله الرحمن الرحيم
شكرا اختى على هذا الموضوع ومع انى جديد والموضوع مطروح للتفاكر قبل 5شهور تقريبا فسبحان الله كانت زوجتى بتناقشنى فيه وانا احترمتها كثيرا وارتحت جدا لادبها وبعد نظرها التى تربت عليها
اولا: هى ترى راحة الزوج تكمن فى التعامل الطيب مع اهله بمعنى انه لاترضى لزوجة اخيها ان لا تحترم اهلها اى امها وابوها واخواتها فكيف تفعل ذلك هى مع نسابتها وبقدر ماهى بتعضى تاخز اللما ترضاه لنفسك لاتفعله لغيرك.
ثانيا : اهم شى انا تزوجة قبل 11سنة وهى ماقريبتى اى من بربر وخريجة جامعية جامعة القران الكريم ولما ذهبت الى الباوقة كانت بتتعامل مع امى بدرجة ووالله العظيم جعلة امى توصيها على وتحرص على حقى لانى مسرف اسراف من لايخشى الفقر . احترمت اخوانى واخواتى بدرجة ان عندما ارفع صوتى يصدون لى . جعلت نفسها هى بنتهم وانا متزوج منهم .
ثالثا: اراد لى المولى عز وجل ان اتى الى دولة الامارات وهى معى وكان لى اخى له ثلاثة بنات بالجامعة وهى دائما تزكرنى بمتطلباتهن وارسال المصارف لهم . وعندما مرضت الوالدة كانت حريصة جدا على مصارف العلاج ونأكل عدس ونحن فى الامارات وانا مهندس استشارى حتى تتوفر هذه المصارف للعلاج وربنا يجعله فى ميزان حسناتها (يرحمها الله الوالده ) . عملت زيارة لاخواتى اثنيين مرة واحدة كانت تصر اصرارا على اختى الكبيرة ان تركب قدام . شهرين زوجتى ماركبت معاى وبكل طيبة خاطر ربنا يحفظها ويخليها , عندما جبنا والدتها والله نفس الحصل مع اخواتى من تعامل.
وفى الختام الموضوع التفاهم بينكم واحترام كلا منكم اهل الاخر لانه مافى شخص حر برضى الهانة لاهله والام خط احمر فى كل شىء وحب الام ابدا لايتساوى مع حب الزوجة مهما كان .
الام اليوم وضعها تغير واصبحت اكثر تطلعا وربنا يخليهم ويطيهم الصحة والعافية

[عبد المنعم]

الأخت - نانا الموضوع إن شاء الله بسيط كما ذكر كل الأخوان - الأم دائما قدام - حتى أحيانا نقيف لنساءنا فى المواصلات إحتراما لهن وربما لانعرفهم ، ثم ثانيا هذه المسألة لاتتكرر يوميا أو فى كل مرة ؟ وسوف تجد نفسها ركبت قدام اكثر من أمو وممكن تقول لى الراجل فسحنى شوية عشان ترجع حقها هههها . وكما ذكر احد المتداخلين لا داعى للغرق فى شبر مية . فى رعاية الله .

[عاتكه بشير كرار]

الاخت شموسه يديك العافيه
دى موضوع مابحتاج الى سؤال قدر
دى بس اقوليك حاجه انا زوجى ماعندو عربيه
لكن والله تكون عندو تركب امواقدام معاه وانشاء
الله انا اركب فى الرفرف حق العربيه تعرفى
دى ام السمح كان زرعوا عيش يقوم قمح
وبرضوا نحنا عندناامات دايرين يحترمهن منننننننننننننننننننننننننن

[زمن الحب]

عن تجربه
نسبتي مابترضا تركب قدام
لانها مابتقبل انا اركب قدام مع راجلها (نسيبي)

[الكاهلية]

من المستحيل ان تكون امى فى المقعد الخلفى وزوجتى فى المقعد الامامى



:61::61::61:

[زمن الحب]

ياجماعه الفرق شنو بين المقعد الامامي والخلفي
مش بيصلو المشوار في نفس الوقت
لانو بصراحه انا مابتفرق معاي

[نجلاء]

انا ما مزوجه بس اكيد احترام لمقام الام اكيد ح اركبها قدام حتي ولو انا اصلا كنت راكبه ولاقيناها هي فيما بعد عشان انا كمان امي ح اعامله نفس المعامله وهم الاتنين واحد
وبشوف مرات الزوجه تنزل لام الزوج بس الامات يحلفو وما بركبو ودي حاجه راجعه للام

[أبو المعتز]

خليها تركبها أولا في قلبها وعيونها ...... هي الأم ساهلة ..... ربنا يخلي ليك والديك

[ودالمحجوب]

اري الموضوع لايستحق ولايحتاج منها الي المشاوره فهي والده زوجك تخليها تركب محل ماتحب حسب رغبتها هي وهذا من عده اسباب كبر سنها ومقام والدتها وام زوجها والذوق

[ابو الصديق]

انا راي الشخصي امي دي
رقم واحد في اي حاجه

[ظلي له مهابه]

مافى مشكله انا شايفه الناس اغلبيتها قالو الام قدام
بس هل الزوج بيكون مرتاح مثلا انا لما اكون قدام اذا زوجى عاوز مويه انابصب واذا حب المناديل انا بعطيه
اذا كان مرتاح وامو جوارو هل بيرتاح اذا كانت امى بجوارو

[الضريوابى]

الفروض الام مش تركب قدام وبس تركب فوق راس زوجة ولدها

[عسوله وبس]

السلام عليكم.....
انا شايفه ان الموضوع فعلا مهم بس ماصعب للدرجة دي
ببساطة الزوجة تخلي ام زوجها تركب قدام وحتى اذا كانت الزوجة راكبه قدام من الاول اذا جات ام زوجها عشان تركب فمن باب الاحترام انها تنزل ليها وتخليها تركب محلها
لكن برضو الراي راي الام انها تركب في المحل البريحها المهم انها تكون مرتاحه

[الغرز نشابو]

انا اقصد حقو المنافسة يعنى تكون فى الوراء

غايتو حقو الام يكرموها ويركبوها وراء

اول شئ واسعة بتاخد راحتها

بعدين الناس الراقيين والمهمين زى الرؤساء بركبو وراء

عشان لو جاء حادث الام تمرق منها سلامة

بعدين الزوجة ان بقت ماس......... احسن يكونو الاتنين وراء


طيب عندى سؤال يانانا

لو بقن الاتنين زوجاتو؟


الا تكون براها

المصيبة تقوم تركبها ورا ويكون عندك نصف دستة اطفال
في الحالة دي الام بتبقي زي الدادة
(يعني الزوجة سيدة الام )
ود عييييييييييييييييييييييييييييييب

[كمال مختار]

انا شايف الام مع ولدها قدام والزوجة تركب وراء ، لكن لو الواحد اتضايق ممكن يشيل معاهو الدركسون ويركب وراء

[معتصم العوض]

المساله بسيطه جدا يا اخوانا وما محتاجه الكلام ده كلو
في الاصل مافي فرق في المقعد الخلفي عن الامامي
ومرات للمذيد من السلامه الناس الراقين بفضلوا المقعد الخلفي
وبعدين الاتنين بتصلوا في وقت واحد

[ابوزاكى]

سلامات


تخلي ام زوجها تركب في المكان اليريحها

ثم تركب هى في المكان الفاضي

[الرشيد نصرالدين]

شى واضح وما عايز اى مناقشة من ناحية العمر المقام الام قدام والزوجة وراء