البسام خديدك

[الحاج أبو عاقلة]

البسام خديدك

إنت يا البسام خديدك
من وصالك هم حموني
وختو في دربي الحواجز
في بعادك عذبوني
وإنت عارف كم بريدك
وجو في عينك سكوني
دا المحال أنساه ريدك
حتى لو في النار صلوني
*** *** ***
إنت يا الآسرني حبك
قول لجندك يرحموني
كلما صدوني عنك
هيجت ذكراك شجوني
بعد ما أعياني ريدك
وزادت الأشواق جنوني
هل تصدق في قليبك
يوم أخونك أو تخوني
**** **** **
البريق الفي عيونك
فيه كم تاهت عيوني
البسيمة الفي خديدك
بيها إتلاشت همومي
تواهه يا دينا العواطف
ديمه للعاشقين تخوني
وللحبيب القلب نازف
ليه أقسى ومره هوني