مسدار من ديار الجعليين

[عادل الخضر]

نحن أُسود غواب كَضَب البيداني وكرنا
وما بيكتر سرور النحن ليهو فَكَرْنا
أن شفنا السلاح تبينا جانا سَكَرنا
ونحن إن هِجنا سبحان من يَصَفِي عكرنا

[ساداتكو]

هع ... أبشر والله...

وطبعاً عاوز تعرف انا منو:
أنا ود المك نمر .. الـ سيفو بشيل الرأس..
أنا أبوي ولدة الفرّاس..
أنا ود المك نمر.. اللرجال مقياس..
أنا التلح العزّام البعدل الراس..

[عادل الخضر]

عزيزي ساداتكو : تحية وإحترام
بس أنا شايف صورتك تحت إشجار النخيل

ونحن الجعليين ديل ما عندنا نخيل

[ساداتكو]

هلا بيك يا اخوي aadil والله انت عربي نجيييييييييييض...
سعدت كتير انا بمعرفتك والله...

والله الصورة دي انا اخذتها في مدينة نوري بالشمال...
وحالياً أنا في الشمال يعني بس ظروف العمل.. (سد مروي)

لكن أصلاً من المنطقة الاسمها الجابراب (في محافظة المتمة)

...تحياتي البلا حدود لي ود العم...

[الشوية]

هلا هلا بدار جعل

[amargany79]

حبااااااااااااااااااااااااااب اولاد دار جعل
اهل الفهم والراي

[amargany79]

حبااااااااااااب اولاد دار جعل اهل الفهم والراي
******** محمد ميرغني ادم *******

[ايمن الاغبش]

سلام يا عيال جعل
ترب المك نمر
نمرا يركب الكيك البطل يتحرن
نمرا يقلب العوق ام صفوفا جرن
خلوات صدرو فى علوم الحروب كم قرن
سيفو بينسف الدرع الحديدو مقرن
ما نمر الشدر حاضن فروعو مقيل
ده النمر البضاير الصف محل ما يميل
كل ما اقول شكر القاهو فيهو قليل
كفو بيخجل العين السحابها منيل
قبيلة المك قبيلة ما بتختا اصولها
العشمان يعيش فوق ضلها ومحصولها
بالشين البدورها بعيد عليهو وصولها
فروعها سيوفها ومطارق جعل فى اصولها
عرمان جدكم والنسبة عباسية
و اعياد فضلكم لليلة ما منسية
هاهى الدنيا حية بى فخركم مكسية
نزيلكم ما بهم ان سوى الاف سيئة
مين سابق العرب فى اصلها و فخوذة
مثبوتة الرجالة وعنكم ماخوذة
صغيركم يدخل الحارة ام لبوس يخوضها
مجرب من قديم سيفكم بوابر الخودة

وجيتكم استعدوا

[ودبانقاالكلس]

نحن الساس ونـــــحنا الراس نحنا الصــــافـــــي
والوافي ونـــحنا عزاز دمــــــوعنا بعيـــدة مــا
بتنشاف ونحن حراز مـــحل ماتفوت تشوفنا هــنـــاك
ونحن يمين نضمنا قليل والدايرنا بلقانا هجعــة لـــيـل
ونحنا لو قلت ا لكرم اسيادو قبال ديل نحنا الويل ونحنا السيل
ونحنا ونحنا ونحنا كل الشكر لو قلناهو فينا قــلــيـــل


ههههههههههههههههههههيع انا الكلس الابدا" مادقس

[حسام الدين]

ان ورداََََ بجيك في اول الواردات مرناَ مو نشيط ان قبلن شاردات
اسد ديش المقرمد غمزاتو مطابقات وبرضع فوق ضرايع العنز الفارزات
كوفتك الخوده ام عصا بولاد ودرعك في ام لهيب متل الشمس وقاد
سيفك من سقايتو استعجب الحداد وقارحك غير شكان مابيقربو الشداد

[alteyb2000]

هييييييييييييييع ابشر بالخير ولا قدام

[حسام الدين]

يابقة عود السم ويامقنع بنات بلدي العزاز منجم
الخيل عركسن ما قال عدادِ كم فرتاق حافلنِ ملاي سروجن دم
أحي علي سيفو البزيل الهم
ان ورداَ بجيك في اول الواردات
مرناَ مو نشيط ان قبلن شاردات
اسد ديشاَ مقرمد غمزاتو مطابقات
وبرضع فوق ضرايع العنز الفارزات :cool:
كوفتك الخودة ام عصا بولاد
ودرعك في ام لهيب متل الشمس وقاد
وسيفك من سقايتو استعجب الحداد
وقارحك غير شكام ما بيقربو الشداد :cool:

[الضرير]

اخى وولد عمى ساداتكو
سلام عليك
انا برضو جابرابى من ديم الجابراب غرب المتمة لكن صورتك دى ماعرفتها ارجو عرفنا بنفسك اكثر واسمك بالكامل

[الضرير]

نحن عيال جعل مافينا زول من برة
وقت المدفع ضرب سيد البرين ان جلا
حارسنا السبات من ود سعد عبدالله

[حجر الظلت]

كم بنداور البكرة ونمصرو ثديها
وكم شقق عتاميرا بعيدها وتيها
يا نفس السواد المتعة كملتيها
أبقي لزومة وكت القرعة وقعت فيها

الطيب ود ضحوية على فراش الموت

[محمد محبوب]

سلام يا عيال جعل
ترب المك نمر
نمرا يركب الكيك البطل يتحرن
نمرا يقلب العوق ام صفوفا جرن
خلوات صدرو فى علوم الحروب كم قرن
سيفو بينسف الدرع الحديدو مقرن
ما نمر الشدر حاضن فروعو مقيل
ده النمر البضاير الصف محل ما يميل
كل ما اقول شكر القاهو فيهو قليل
كفو بيخجل العين السحابها منيل
قبيلة المك قبيلة ما بتختا اصولها
العشمان يعيش فوق ضلها ومحصولها
بالشين البدورها بعيد عليهو وصولها
فروعها سيوفها ومطارق جعل فى اصولها
عرمان جدكم والنسبة عباسية
و اعياد فضلكم لليلة ما منسية
هاهى الدنيا حية بى فخركم مكسية
نزيلكم ما بهم ان سوى الاف سيئة
مين سابق العرب فى اصلها و فخوذة
مثبوتة الرجالة وعنكم ماخوذة
صغيركم يدخل الحارة ام لبوس يخوضها
مجرب من قديم سيفكم بوابر الخودة

وجيتكم استعدوا

و الله كلام يا ود الاغبش

[محمد محبوب]

يابقة عود السم ويامقنع بنات بلدي العزاز منجم
الخيل عركسن ما قال عدادِ كم فرتاق حافلنِ ملاي سروجن دم
أحي علي سيفو البزيل الهم
ان ورداَ بجيك في اول الواردات
مرناَ مو نشيط ان قبلن شاردات
اسد ديشاَ مقرمد غمزاتو مطابقات
وبرضع فوق ضرايع العنز الفارزات :cool:
كوفتك الخودة ام عصا بولاد
ودرعك في ام لهيب متل الشمس وقاد
وسيفك من سقايتو استعجب الحداد
وقارحك غير شكام ما بيقربو الشداد :cool:

اخي حسام مرحب بيك وشكرا علي هذه الرائعة

في اخطاء املائية ارفع الطلب لحجر الزلط يصحح الكلام ده ويشرحوا لينا
مع فائق التقدير

[كمال كيلا]

عدد مشاركاتك لا يمكنك من النسخ او الاقتباس
نحن اسود فى الغابات صوتنا
وفى كرم الضيوف منو البفوتنا
حارسين امات شلوخ صاينات عروضنا :las1::las1::las1::las1: