حكاوى الشوق .. مدني النخلي [الأرشيف] - شبكة الجعليين

مجتبى

07-05-2005, 07:55 AM

8) حكاوى الشوق

حكاوى الشوق

أملنا الباقى يسرح بى

واهاجر لى زمن تانى ..

تبقى الدنيا فى عينى ..

هداة موجة فى بحر

الأسى الممدود..

رجعة غنوة من

درب الضنى المهدود

هجعة خطوة فى

سكة فرح مفقود

وأفتش ليك ..

أفتش ليك حنينى معاى

أمانى تصارع المكتوب

عشانك لامسافة تطول

ولا تصعب معاك دروب

وقلبى معاك

وعلى الوعد الحزين مصدود

وراجع ليك ..

راجع ليك ..

أجوب الدنيا و أرجع ليك ..

أجيك فارسا يشق صمت

المتاهة الطال...

مواعدك بى حكاوى الشوق

وبى شمسا وراها منال

وبى فرحا يغرد فى سماك اللحان

ويجيب البهجة للأطفال ..