عماد المتمه
19-08-2009, 02:11 PM
لو سعادتك في بعادي الف مرحب بالوداع وايه يفيدني اعيش بقربك وانت مانع عني حبك كلو في الاخر ضياع @@ الف مرحب بالوداع دون اشارة او تحيه ماخلاص الفرقه حانت ومابتفيد تاني الشكيه قلبي قادر دونك احيا وينسي ايامو الشقيه الاقلبك ماحيقدر يحيا لحظة دون عينيا @@ والبعاد الانت دايرو الف مرحب بيهو تاني وانسي ايامنا الجميلة شتلة الريد والاماني لي بعادك ما حيفرق وقلبي دونك مابيعني وانت اسال مرة قلبك هل زمانك كان زماني @@ اصلي شلتك من حياتي ومابفكر ليكا ارجع اواسامح لقليبك ولكلامك تاني اسمع سيبني اعيش حياتي دونك وخلي بينا الذكري مرجع اصلو كان البينا غلطه قلبي بيها كم توجع @@ وداير اتوب من ريد عيونك دون غرامك اعيش حياتي وانسي ايامك معايا ماضي حبي وذكرياتي الببيع نحنا بنبيعو بيهو تاني محال نهاتي وغيرو نلقي احلي واجمل حب حقيقي وفجر اتي @@ البفوت ياقلبي فوتو والبسيبك سيبو وانسي ولو رجعلك ماتسامحو وتبقي ليك معاهو جلسة الصباح الفي عيونو مهما طول بكرة بمسي وانت فجرك ديمه شارق ومضه ضاويه واحلي همسة @@ اصلو مابعرف المحبه ولا حصل جرب يحب وساهر الليلات عذاب وضلا في الريده الدرب مالريده ياقاسي الشعور احساس حقيقي وماكضب والصدق في الريدة الشعار واللقيا والنظرات حزب