الحاج أبو عاقلة
22-06-2006, 06:04 PM
مقاطع ليس للبوح
ما إتعودت إسمع منك
غير الكلمة الطيبة وسمحة
وما إتعودت أشوف في خدك
غير البسمة الضاوية جبينك
أيه الخلى صفاك يتحول
وأيه البدل مني عيونك
زمانك قلت إنك وردة ونادر لونك
وبيني وبينك خطوط متوازية
محال تتلاقي خطاوي الفرحة
وكيف من دونك
**** *****
بتبقي حياتي الصافيه رتيبه
لما تعاتبي ولومي يلومك
ويا مريوده أنا مسكونك
وبين الألفة وخطاوي الريدة
قصة شوق تحكيها عيونك
أنا مسكونك
***** *****
وفي أهدابك مراسى الوعد
التايه ديمه في سكة اليمة
شايله همومك أنا مسكونك
فضلت أتاوق خلف الغيمة
مستني شذاك ينداح في الساحة
يطيب خاطري العانى شجونك
ودعاش الفرحة الغائب طول
يعاود تاني شوارع الإلفة
ويبقى عزانا في إنك وردة
ونادر لونك ويا مريوده
أنا مسكونك
الثلاثاء 19/9/1997م
النهود
ما إتعودت إسمع منك
غير الكلمة الطيبة وسمحة
وما إتعودت أشوف في خدك
غير البسمة الضاوية جبينك
أيه الخلى صفاك يتحول
وأيه البدل مني عيونك
زمانك قلت إنك وردة ونادر لونك
وبيني وبينك خطوط متوازية
محال تتلاقي خطاوي الفرحة
وكيف من دونك
**** *****
بتبقي حياتي الصافيه رتيبه
لما تعاتبي ولومي يلومك
ويا مريوده أنا مسكونك
وبين الألفة وخطاوي الريدة
قصة شوق تحكيها عيونك
أنا مسكونك
***** *****
وفي أهدابك مراسى الوعد
التايه ديمه في سكة اليمة
شايله همومك أنا مسكونك
فضلت أتاوق خلف الغيمة
مستني شذاك ينداح في الساحة
يطيب خاطري العانى شجونك
ودعاش الفرحة الغائب طول
يعاود تاني شوارع الإلفة
ويبقى عزانا في إنك وردة
ونادر لونك ويا مريوده
أنا مسكونك
الثلاثاء 19/9/1997م
النهود