عماد المتمه
10-08-2009, 05:19 PM
بستنسخك قمرا وشمس واتوسدك حلمي الجميل بكره وامس وانده عليك يازول تعال كان الضمير جواك يحس واقفل عليك ابواب قليب من الوصال يوم مايئس واكتب عليك فرحة حزين يابسمة في الزمن النحس يازول جميل شبال ونيل ارجع تعال خلي القليب يرقص يميل زي الشمال شامخ نخيل وزي الجنوب اسمرنحيل زي الغرب طبعك اصيل ومن الشرق شمساتشع في نهار وليل يازول تعال سيب الدلال اصلو الدلال مابشبهك او حتي ليك البشبهك انك تكون زي القمر كل النجوم بتهاب عينيك وان تكون زي المطر كل الخلوق بتحن ليك وانك تكون احلي البشر كل المشاعر هائمه بيك يازول تعال سيب الغياب من غيرعتاب مرحب حباب بي جيتك دا الكل فرح والكون صبح فاكهه وقمح بي طلتك وان ياغرام مالكني ريد سادي المسام والليل طويل ملي دليل ياقسوتك مالبعد حار والفرقه نار والقلب سار في سكتك شوف القمر كيف استعا ر نو ر طلعتك الشي الاكيد قلبي السعيد الليله عيد عاد البعيد يافرحتك