حاول يخفي نفسه

[سودانية]

حاول يخفي نفسه


شعر سيد عبدالعزيز - غناء الحاج محمد أحمد سرور



حاول يخفي نفسه
وهل يخفى القمر في سماه
أبداً لا وطبعاً لا شفناه شفناه

حاول يخفي نفسه وغير اتجاهه
سطع النور في أفقه وكل إنسان رآه
خلنا البدر أشرق كامل في علاه
وخلنا الزهر فتح من أنفاس شذاه

جذاب حسنه رايع لادن خلقه مايع
رقص البان مشيه تحب تنظر وشيه
عيونك تختشيه من قوة ضياهو
ومن شدة حياهو

مرة إذا نظرته ونظره إليك رناه
قلبك ينشرح له وترتاح لي لقاه
دون تشعر تحبه وتلهج في ثناه


مرة تقول كبدر ومرة تقول كزهر
مرة تسمي شعري ومرة تعممي سحري
تقلب فيه أسما وبرضه تشوفه أسمى
كل وصف تراه أقل من مستواه
مترفع عظيم عالي بعيد مداه
ملأ العين جماله الزاهي رشح نداه
يلالي والكواكب تتناثر حداه
فيه الحسن أودع ما ملكت يداه

مفرح وشوفته تفرح
بتلقاك باسم كالزهر المنسق في زمن المواسم
تشوف في مقلتيه حياه دلاله تيه
واللحظ البجرح والوجد المبرح
أنا من دون أصرح
لي قلب اصطفاه وهسه هناك معاه

[عباس ودأرتولي]

ياسلام عليك ياسودانية........اختيار موفق وزوق رفيع........تسلمي

[الفقير]

وصف جميل وخاطره حاضره للشاعر / سيد عبد العزيز

تخريمه:
قالو قصة القصيدة شافه بتكشح في موية الوسخ :tee43: ورجعت في البيت سريع :lodf::lodf:

[سودانية]

ياسلام عليك ياسودانية........اختيار موفق وزوق رفيع........تسلمي

تشكر يا ودأرتولي على المرور

[سودانية]

وصف جميل وخاطره حاضره للشاعر / سيد عبد العزيز

تخريمه:
قالو قصة القصيدة شافه بتكشح في موية الوسخ :tee43: ورجعت في البيت سريع :lodf::lodf:


معقولة يا الفقير موية وسخ :tee43:


شكرا على المرور وعلى المعلومة الظريفة

[محمد كرار]

شكرا للأخت سودانية وحقيقة لايدرك أغنية الحقيبة إلا من يمتلك ثقافة عالية وكان هناك حوار سابق مع الأستاذ وردي من قبل أحد مقدمي البرامج ، إلى متى نظل نردد في أغنية الحقيبةورد محمد وردي وقاليهو نحنا حانروح فين من اغنية الحقيبة وأغنية حاول يخفي نفسه كتبوها ثلاثة شهراءباها سيد عبد العزيز وكانوا في زيارة صديق لهم بمنزله وعندما طرقوا الباب نظرت لهم إبنته من أعلى الحائط من الداخل وغختفت وهم شافوها في هذه اللحظه وتناولوا القصيدة سجالاً بينهم

[بارميدو]

حاول يخفي نفسه الفوها ثلاثه شعره سيد عبد العزيز وعبيد عبد الرحمن والعبادي ولها قصه بان سيد عبد العزيز كل يوم يتردد في شارع هذه البنت في زمن معين كانت البنت تطلع تدفق الوسخ وترجع وسيد ينظر اليها وينصرف وعندما حست البنت بهذا امتنعت من الخروج وسيد فقده وقام حدث زملاهو وقال ليهم في الحي الفلان في بنت جميله وحصل كذا وكذا وجاء الشعره واحد فيهم لمي الشفع وقال ليهم قولوا الحريقه والبنت سمعت الصوت وشبت فوق الحطه وقالت الحريقه وين العبادي قال ليها الحريقه في قلبي طوالي البنت زاقت وهنا سيد قال حاول يخفي نفسه العبادي قال هل يخفي القمر في سماهو عبيد قال ابد لا شفنا هو شفناهو الي نهايتها القصيده اتلحنت واتغنت واشتهرت وفي ومن الايام كان في حفله في نفس حي البنت هنا الشعره منتظرين بفارق الصبر عشان يشفوا البنت وطبعا البنات في الزمن داك مابطلعن الا في حفله وجات البنت وقامت ترقص طوالي سيد قال دي البنت القولنا فوقه القصيده هنا طوالي محمد بشير عتيق قال الاوصفوك ما اوصفوك الي نهاية القصيده

[الكلس]

حاول يخفي نفسه الفوها ثلاثه شعره سيد عبد العزيز وعبيد عبد الرحمن والعبادي ولها قصه بان سيد عبد العزيز كل يوم يتردد في شارع هذه البنت في زمن معين كانت البنت تطلع تدفق الوسخ وترجع وسيد ينظر اليها وينصرف وعندما حست البنت بهذا امتنعت من الخروج وسيد فقده وقام حدث زملاهو وقال ليهم في الحي الفلان في بنت جميله وحصل كذا وكذا وجاء الشعره واحد فيهم لمي الشفع وقال ليهم قولوا الحريقه والبنت سمعت الصوت وشبت فوق الحطه وقالت الحريقه وين العبادي قال ليها الحريقه في قلبي طوالي البنت زاقت وهنا سيد قال حاول يخفي نفسه العبادي قال هل يخفي القمر في سماهو عبيد قال ابد لا شفنا هو شفناهو الي نهايتها القصيده اتلحنت واتغنت واشتهرت وفي ومن الايام كان في حفلهفي نفس حي البنت هنا الشعرا منتظرين بفارق الصب عشان يشفو البنت وطبعا البنات في الزمن داك مابطلعن الا في حفله وجات البنت وقامت ترقص طوالي سيد قال دي البنت القولنا فوقه القصيده هنا طوالي محمد بشير عتيق قال الاوصفوك ما اوصفوك الي نهاية القصيده
كلام والله يا بارميدو مودتي