متوكل طه محمد
01-03-2006, 03:15 PM
لى الله ايدينا بنرفع..............والعاذب كلو بيسمع
نفوسنا كتير مشتاقة............. للبارى دوام نتضرع
قطارنا عريس متواضع.........يا جاى ياقاصد اسمع
نحن البايرات فى لهفه ........والعام 2005مضى وودع
لو واحد قام واتقدم.........فى لحظه نلبى ونسمع
بلاش من حته شيلة.......... بأبسط حاجه بنقنع
والبيت ماشرط عمارة..........دى مظاهر ساكت تخضع
لى جنه نضيره نحول........بيت العذابه اليجمع
ماشرط سراير سنقل........... ان شاء الله بريش ومقطع
ماشرط ثلاجه فريز........كفايه الزير الينقع
مادايرين كبده وشيه...........بى ويكه تقيلة بنشبع
ما أصبو شبابنا الودع..............ماممكن تانى بيرجع
أحلامنا الكانت أملنا ........ماهادت تانى بتنفع
دايرين للشاب الاغبش.........حتى لو فقران ومقطع
لأن الفيهوه الفائدة......... لغيرنا دوام يتطلع
حياة السترة أملنا ......... نرجوك ياربنا أجمع
مخير الله علينا ........... نشيل ايدينا ونرفع
لو كان كلماتكم جاده .. بالحيل انا جادي بسمع
مليت العيشه براي .. . وكرهته العرس البو جع
في اوضه سجين ومدمدم .. عفشاً كيمان ومجدع
شقليب في حايتنا العامه ...والله تقولو الشفع
عايزين لي حواء ننادي .........وشايفين الزيت البطلع
المشكله شان تتزوج ...............لازم تغني وتتجدع
يا يقولو عليك هوين ........... او رامي المره والرضع
يا حوا سالتك اقيفي.......... ماشايفه الحال البوجع
خليهو الحال في حالو .......ويلاكي ندق المدفع
البيت قطيه صغيره ........وعليها اساسنا بيوضع
وسعايه معيز ودواجن ...من خيرن ناكل ونشبع
نسد ابواب اوضتنا ............... لاشر لا خيرا يمنع
كان فرجت نبني املنا ......وكان خسرت ما نتوجع
ونعيش في باقي زمنا.........لحظات العمر التنفع
نحنا العذاب جيناكم ...... يا تقولو الخير يا نرجع
ما اصلو حياتنا المره .....اهات من تمسي وتطلع
نفوسنا كتير مشتاقة............. للبارى دوام نتضرع
قطارنا عريس متواضع.........يا جاى ياقاصد اسمع
نحن البايرات فى لهفه ........والعام 2005مضى وودع
لو واحد قام واتقدم.........فى لحظه نلبى ونسمع
بلاش من حته شيلة.......... بأبسط حاجه بنقنع
والبيت ماشرط عمارة..........دى مظاهر ساكت تخضع
لى جنه نضيره نحول........بيت العذابه اليجمع
ماشرط سراير سنقل........... ان شاء الله بريش ومقطع
ماشرط ثلاجه فريز........كفايه الزير الينقع
مادايرين كبده وشيه...........بى ويكه تقيلة بنشبع
ما أصبو شبابنا الودع..............ماممكن تانى بيرجع
أحلامنا الكانت أملنا ........ماهادت تانى بتنفع
دايرين للشاب الاغبش.........حتى لو فقران ومقطع
لأن الفيهوه الفائدة......... لغيرنا دوام يتطلع
حياة السترة أملنا ......... نرجوك ياربنا أجمع
مخير الله علينا ........... نشيل ايدينا ونرفع
لو كان كلماتكم جاده .. بالحيل انا جادي بسمع
مليت العيشه براي .. . وكرهته العرس البو جع
في اوضه سجين ومدمدم .. عفشاً كيمان ومجدع
شقليب في حايتنا العامه ...والله تقولو الشفع
عايزين لي حواء ننادي .........وشايفين الزيت البطلع
المشكله شان تتزوج ...............لازم تغني وتتجدع
يا يقولو عليك هوين ........... او رامي المره والرضع
يا حوا سالتك اقيفي.......... ماشايفه الحال البوجع
خليهو الحال في حالو .......ويلاكي ندق المدفع
البيت قطيه صغيره ........وعليها اساسنا بيوضع
وسعايه معيز ودواجن ...من خيرن ناكل ونشبع
نسد ابواب اوضتنا ............... لاشر لا خيرا يمنع
كان فرجت نبني املنا ......وكان خسرت ما نتوجع
ونعيش في باقي زمنا.........لحظات العمر التنفع
نحنا العذاب جيناكم ...... يا تقولو الخير يا نرجع
ما اصلو حياتنا المره .....اهات من تمسي وتطلع