أزمة استخراج الشهاده الجامعية بسبب قانون الخدمة الالزامية

[ehict]

اعزائى
السلام عليكم ورحمة الله وبركاته،،،
لكم التحية ولك الاهل الطيبين داخل وخارج الوطن .أزمة استخراج الشهاده الجامعية بسبب قانون الخدمة الالزامية هذا ليس مقالا وليس تحليلاً ولا خبراً انما . هو سؤال مطروح من بعيد عن الوطن فى بلاد المهجر مكتوى بنار الغربة والبعد عن الوطن والاحباب مجتهد فى تكفير ذنوب اثقلت كاهله املاً فى محوها بتحصيل رزق فى بلاد لا ترحم -( لقوله صلى الله عليه وسلم ان من الذنوب لايكفرها الا السعى فى طلب الرزق) او كما قال صلى الله عليه وسلم .
تخرجت فى 1998 من جامعة القران وجاءاتنى فرصة للعمل فى ارض الحرمين واكملت كل اجراءات سفرى بدون ادنى شائبة ولما كانت الوظيفة التى فى انتظارى فى ارض المهجر لاتحتاج الى خبرة او شهاده جامعية لم اكترث لاستخراج الشهاده الجامعية . والان بعد خمس سنوات من البعد عن الوطن .مؤشر امبير الطموح عندى بدا يتحرك قليلا فقلت اؤهل نفسى قليلا على اجد فما بقى لى من ايام فى هذه الدنيا الفانية موقعا غير الذى انا فية الان . وبدات فى البحث فى الشبكة العنكبوتية على اجد فرصة اواصل دراستى والحمد وجدت العديد من الفرص .ولكن الكارررررررررررررررررثة اننى لم استخرج شهادتى الجامعية بعد . وامامى ثلاثة سنوات للعوده لارض الوطن . فهلا اخمد هذا الطموح لثلاثة سنوات حتى اعود لارض الوطن واعمل تباه امام منسقية الخدمة الالزامية حتى يرضو عنى ثم يقولون انننننننننننننننصراف ثم استجيب لندا مؤشر الطموح الذى بالكاد تحرك او ربما يخيل الى انه تحرك.
السؤال مطروح للمشير عمر حسن احمد البشير وفقه الله ولمن اؤكلهم فهل اجد اجابه
حفظ الله ووفق الجميع لما فيه صلاح هذه الامه

[خالد الفحل]

اخي ehict
بعد التحية
والله اخاف يا تي يوم ان مات شخص لا نستطيع استخراج شهادة وفاة له ولمن ننادي وماذا نفعل
علينا ان نبحث من يوفر لنا
العدل والحق
اين العدل ؟ واين الحق ؟

[شايق]

يا اخوانا معليش انا اخالفكم الراي الخدمة الوطنية دي حاجة مهمة و انا بعتبر انو هي حاجة مفيدة للبلد بس بالطريقة الصاح يعني ما بالطريقة النحن شغالين بيها دي مثلا انا مهندس كمبيوتر اتخرجت السنة الفاتت و طالبوني بالخدمة اتوكلت مشيت وقالو لي حنشغلك في مجالك قلت كويس دي برضو تبقى خبرة و معاها قروش كمان يعني بحسابات العطالة و عدم توفر وظائف ربحان متين في المية بس الحصل شنو ودوني منشاءة عسكرية و قال شنو بجيبو لي خطابات و اشارات و كلام غريب بيقولو لي اطبعوا ليهم حتى فكرت انو خبرتي دي بتيح لي فرصة عمل في الاوقاف في السوق العربي لكن في النهاية لو هي بتستخدم بطريقة كويسة كانت حتنفع الناس و البلد و البلد قبل الناس بس في النهاية نقول شنو الله غالب و يا خوانا للعلم الخدمة الوطنية دي قانون قديم بس ما كان مفعل بس المفتحين ديل عيرفوا يستفيدوا منوا للصالحهم و نسيت احكي ليكم حكاية ال45000 المرتب الشهري بتاع المجندين في الخدمة الوطنية كان قروشك ما طلعت كلها كانك ما اديت خدمة وطنية و تقول داير قروشك يقولو ليك الميزانية بتاعت الدولة ما بتسمح انتظر في بيتكم و بعد ما تسمح و كمية من الاجراءات السخيفة يجي العسكري يقول ليك يا انت ما صرفتها و شكرا ليك حليت عننا ديون و يقول كمان ما القى عندك حق المواصلات ...
مع تحياتي...