سوال ياناس كبوشية

[الكنترول]

ياناس كبوشية عندنا جدنا اسمة الامين عيسى الشيخ من الانقرياب من ارتولى هذا الرجل وجد رجلا من كبوشية قاتل شخص ويريد شخص ان يضمنة واللة كل الناس خافوا من ضمانة حتى الشرطى الذى كان يرافقة في سوق الدامر زهج من عدم وجود ضامن واخيرا وجد جدنا الامين فقال للرجل بضمنك يكفنك كم يوم الرجل قال 3يوم لانة عندة وصايا لبنات يتيمات شائت الاقدار ان يتاخر الرجل عن المواعيد فجاء الخواجة فاخبروا الامين عن تاخر الرجل وانهم سوف يعدموة بدلا عنة فاخذوة لحبل المشنقه وقبل التفيذ وكان في ميدان عام حضر الرجل وطلب من جدنا النزول فقال لة علي الطلاق جيت للموت في بيتة مانزل والرجل يحلف فخاطب العمدة اهل القتيل طلب منهم ان يعفو عن القاتل اكراما لجدنا الامين فعفو عن القاتل واخذو جدنا الامين لكبوشية وزجوة امراة منهم لكن لم ينجب منها وماتت وزوجوة اختها وايضا لم ينجب منها لكن عندة اولاد من زوجتة الانقريابية وفي تلك السنة في المنطقة حقت كبوشية اي مراة جابت ولد سمؤة الامين لو في زول بعرف الناس ديل في كبوشيه يدلنا عليهم علما بان القصة حدثت في بداية الانجليز

[الجابك اللة]

علي باليمين ياالكنترول راجل ذى دا ماولدت حواء مثلة مفروض تدرس سيرتة في المدارس

[الكنترول]

وللمزيد هذا الرجل اسمة الامين عيسي الشيخ محمد بن الشيخ بن الشيخ الامين بن الشيخ حسن بن الشيخ الامين بن الشيخ سوكتر بن الشيخ محمد الصقاع بن الشيخ الامين بن الشيخ مسمار بن الشيخ عبد الله بن الشيخ عجيب بن الشيخ العقيل بن الشيخ عجيب المانجلك بن الشيخ عبد الله جماع

[ود ابشر]

انا من كبوشية سمعت عن القصة دي لكن ما عند تفاصيل دقيقة .
لكن وعد مني ليك اجيب لك الخبر الاكيد باذن الله تعالى
سمعت غنية الدلوكة الفيها

الشيخ الامين طبجو زادو ما؟؟؟؟؟؟؟

[الكنترول]

واللة ياود ابشر تو لقيت لي الناس ديل تكون صنعت لي جميل مانساه لك كل العمر عليك الله اسال الناس الكبار بكون عندهم علم اكثر مننا

[ابنعوف]

واللة ياود ابشر تو لقيت لي الناس ديل تكون صنعت لي جميل مانساه لك كل العمر عليك الله اسال الناس الكبار بكون عندهم علم اكثر مننا
ياود ارتولى انا كذلك اوعدك مع ود ابشر (ابنعوف):sm201:

[المحجوب]

انا من كبوشية سمعت عن القصة دي لكن ما عند تفاصيل دقيقة .
لكن وعد مني ليك اجيب لك الخبر الاكيد باذن الله تعالى
سمعت غنية الدلوكة الفيها


الشيخ الامين طبجو زادو ما؟؟؟؟؟؟؟

علي ما اعتقد الاغنية دي في الامين ود الهدي(بكسر الهاء ) وهو من سعداب المكنية

[المانجلك]

الاخوة ود ابشر والمحجوب والاخ ابنعوف مشكورين علي الاهتمام انا ايضا من ارتولي وسمعت عن القصة والامين هذا جدي وللمزيد من المعلومات ان احدي النساء من قريبات الرجل الذي ضمنة الامين قالت فية شعرا

تسلم يامقنع الكاشفات
قشاش الدموع وكتين يجن نازلات

شرا يجيك انت يتقسم علي الشمات

[عمدة كبوشية]

والله كان مااخاف الكدب التقول سمهتا بيها (معليش يااخوي نحنا جعلين خرطوم ساي)
والذاد الطين بله هسه نحنا برا السودان عديل

:4tds::4tds::4tds:

[المانجلك]

برضو ماقصرت ياعمدة ماقصرت تب يديك العافية