أنا رجـــعته!

[ابو عبيده حسن]

الرجعة كانت صح محال
والشوفه كانت زي حلم بس فجئة زال
إتحقق الشوف للوطن
وإتحقق الشوف للعيال
الغربة كتّالة قلوب
الغربة خطّافة رجال
***
ميماتي مشتاقين دوام
دايماً يقولوا لي تعال
يابونا دينارنا بيعيشك
يابونا أترك للريال
يابونا لوشفت البلد
صح الرجوع بيكون محال
***
الغربة كمّلت الجسم
كل يوم بينقص من كمال
يابونا كت سمين وجيه
الغربة مسحت للجمال
يابونا كت ضحوك بشوش
اليوم بقيت تزيد كتال
والضحكة كانت ليك إسم
والزعلة ماكانت خصّال

السودان- الخرطوم
حديقة القرشي
بعد تلاته سنين والحصاد الشوفه

[مينو]

الرجعة كانت صح محال
والشوفه كانت زي حلم بس فجئة زال
إتحقق الشوف للوطن
وإتحقق الشوف للعيال
الغربة كتّالة قلوب
الغربة خطّافة رجال

انشاء الله رجعه نهائيه

رجعت العصفور لعشو
رجعت الغريب لدارو
رجعت الندى للزهور
رجعت المطر للارض

حمدالله على السلامه


اسمع الاغنيه دى من اغانى البنات السودانيات

ابو عبيده حبيبى الوفى
الشال غرامى وراح مختفى
يالله لبتين ما يجى
يالله يجى

[محمد عبدالرحيم]

تلاته سنين
الشمل اتلمه
مرض الريد اخفه الحمه
علاج الريد
شوفتك سلمى (ام اولادى)

وأخيراً حضنت أولادك الثلاثه محمد وملاذ ومرسي
وشفت أم العيال سلمى

سبحان الله ثلاثه سنين
الحمد لله بعد ثلاثة سنين

لكن يا أبوعبيده ياربي سويت ليك بيت ذي ناطحة سحاب

(نتلمى فى هذا الحويش يبقالنا ذى ناطحة سحاب)