كلمات اغاني سودانيه

[حبيب شندي]

بتمني ان تنال اعجاب الجميع

[حبيب شندي]

اشتقت ليك..
وفضلت ولهان مرتجيك.
اغزل من الحرمان حروف..
مزدانة تأمل لوتجيك.
لكن قدر..
حطم شراع..
كسر جناح الهجرة ليك.
مزق صحائف من سلام..
منظومة من ازمان اليك.
دمر مجاديف مبحرة..
طالبة الوصول لي موطنك.
شتت مواسم مزهرة..
صارت بعد سفرك حطام.
واشتقت ليك.
شوجرت زهرة شوقي ليك..
فوق الغمام لو توصلك.
لو تلقى جنبك سكنته.
لو تلقى افراحا تدوم..
ماتنقطع.
وانا في رجاك.
طرزت كحل الليل شموع.
بخرت حزن الكون دموع.
وفضلت منتظرك هنااااااك..
حيث العدم واللا رجوع.
حيث التسامي عن البشر.
عن كل ماهو منتحل.
عن كل خوف.
حيث السعادة والشجن.
حابس دموع.
منتظرة موكب حضرتك.
تنزل تقول الفي الضمير..
من قبل مايستقبلك ويدللك..
ويتوجك من تاني لي قلبو..
الاسير بي مهجتك.
لكن محال..
لاموكبك صدق الوعود..
لا راضي ارجع اكذبك.
وفضلت واقف منتظر.
وانا في رجاك..
اشتقت ليك.

[حبيب شندي]

الشاغلين فؤادى

الشاغلين فؤادى وتايهين فائتين
يكفى البى زارف دمع المايهين
****************

من القبلى لاح لى برقاً لمح
والصيد فى الخمائل ياناس اجتمع
قوموا يا احبة نسترق السمع
مابطيق القعدة والبان اجتمع
****************

هجر احبابى لى يامولاى قدروا
انسلبت نحولى واعضاى خدروا
لامونى العوازل بحالى اذدروا
هم خايفين دلالو تايهين مادروا

********************
سامرت الكواكب لما الفجر لاح
ونادى الفجر نادى وقال يا اهل الصلاح
صلو الوقت حاضر قاوا اهل الصلاح
انا والليل قايمو لى خيال لى لاح

********************

النسيم عاودنى اقوم من نومى صاح
مشغول فكرى حاير مشطوب إنشطاب
يانسيم بالله تجيب رد الخطاب
اوعى الجاهلة لية وما بتحمل عتاب

[حبيب شندي]

انا امدرمان

انا امدرمان تأمل فى ربوعي
انا السودان تمثل فى نجوعي
انا ابن الشمال سكنه قلبي
على ابن ا لجنوب ضميت ضلوعي
انا امدرمان سلوا النيلين عني
وعن عزمات فتاى عند التجني
فخير بنيك يا سودان مني
سلو الحادي سلوا الشادي المغني


انا امدرمان اذا ما قلت اعني
فما نيل المطالب بالتمني
تجيش النفس بالامال لكن
ولكن .. هذه لما لا تدعني
اما امدرمان مضى امسي بنحسي
غدا وفتاى يحطم قيد حبسي
واخرج للملاء فى ثوب عرسي
وابسم بعدما قد طال عبسي
واعلن و الفضاء يعلن همسي
واهتف و الورى يعرف حسي
فيا سودان اذا ما النفس هانت
اقدم للفداء روحي ونفسي

[حبيب شندي]

أنا السودان


أنا السودان جمال إشراق و عيدية
أنا السودان بضي شمسو النهارية

أنا النيل الصحي موافي
بغني مع المراكبية
و أنا عيون المها الضوت
تحاكي الطلعة بدرية

أنا السودان جمال في لوحة صوفية
روائع دنيا لي أطفال
بعيشوا نشأة دينية
وغناوي الفرحة لي يوما
تزف .. في ليلو حورية

أنا السودان علوم و حضارة
و صحوة غضبة زنجية
و بيجري في دمي حس عربي
و نفوس بالتقوى مهدية

[حبيب شندي]

كيف يجهلوك

كيف يجهلوك وعلى الجمال العادى راحو يمثلوك

لو بادلوك عين الحقيقة او بالبصيرة تاملوك

بالنور او بالنار او بقدر ما صاغ الخيال ما عادلوك

كوكب منزه فى علوك سحرك غريب شخصك بعيد

لو كان قريب انواره آخذة بدون سلوك

يبرق سناك فى غيهب الليل الهلوك

اظرف شمائل زاملوك هم اكملوك ادبك شفا فيك

موهبة وطبع الملوك
يا جميل الاوصفوك

[حبيب شندي]

يلوحن لي حماماتن

يلوحن لي حماماتـــن همن عينى غماماتن بريدن
شوقى لي لماتن

هباب رعاب جمال فاتن ولاشــىء من أدب فاتـــن

تتوق الروح لشـوفاتن وارجــف حيــن موافـاتن

نديم قول لي هن ياتن مهاة رامه وظـــــبياتن

نسيم شيل لي تحيـاتن وخصــص بيها نيـــــاتن

تبقى النور وسيـماتن تضــوى العتــمة بسماتن

حبيب اشتقنا نسمـاتن حليل ديـــــلاك رشيماتن

بين الشادى والشـادن تحيـــر فكرو وانشــادن

خدودن جـــلَّ فصَّــادن جمــيع الشاهــدن رادن

عســف نيدن حفى جلادن وضـيبـن هـدهـدالـــلادن

عفافــن عـــفَّ تيلادن بســوق القول على بـلادن

[حبيب شندي]

ياجميــــل يامدلل

ياجميــــل يامدلل قول لى
ليه بس حكم الغرام قد حلل
عذابى يدوم

ياجميل يامدلل
كل ما اطراك بالدموع اتبلل
جسمى صار منحول والمنام اتقلل
طرفى لى رؤياك دمعو كبَّر وهلل
جفانى النوم

العقول تتخبل
والاديب فى الناس للقاك يتـهـــبل
بين انى عزيز خفته فى المستقبل
هدى ليك الروح وانته بى ما تقبل
اكون مظـلوم


بالعلى ماتجهل
ياحلو النغمات يالذيذ المنـــهل
نارى حارقه الجوف والمدامع تبهل
بعد هذا الحال هل وصالك يســهل
تحن ياظلوم

ليل ضفايرك مسدل
يارشيق القامة والمعاطف الهدل
القوام ممشـــوق والمعاطف جدل
داالمخلىإليـــك حُبى لا يتـبدل
يذيد كل يوم

فى هواك لو اعزل
برضى لاانساك فى الجمال اتغـــزل
والعجيبة كمان قلبى صار ليك منزل
وانت فوق للقوس والسماك الأعـــزل
علوت نجــوم

[حبيب شندي]

قمر الزمان

صــــلاح حــاج سعـــيد

كتبت ليك
لابينى بينك ريده ...لا قصة غرام
إخترت ليك أجمل حروف
وأصدق فواصل نادرة فى لغة الكلام
لاقصدى الهو معاك بى كلمات غناى
لا شعرى ليك مرجيحة من شعر الغمام
وكتبت ليك
والله يا قمر الزمان
شان جيتى بى زمن المحنة
وشفت فى عينك حس اهلى القدام
وكتبت ليك
وأنا جاى من زمن الشقا
المرسوم على وش الثوانى مظللة
تتمدد الساعات سنين
تتفتح الاحزان غريبة ومذهلة
وأشتاق افتش نسمة فى الزمن العذاب
وأيامى من كتر الأسى
وكتر العزوف والإغتراب
صبحت حروف مترهله
لا فيها نبضة روح تموت
لا فيها سكة زول يفوت
لحظات أسيفة ومهملة
وكتبت ليك
ووقفت ليك لامن لقيتك
جايا من قلب الطريق
ولمحت فيك راحة المشاوير البعيدة
ولفحة النسمة الحنينة
الجايا من جوف المضيق
حسيت عجائب الدنيا إتلمت
بقت جايانى من عصراً سحيق
عينيك حس أطفال ينادو القمرة
للغائب يعود
وجبينك الضواي
حجا الحبوبه
فى الزمن السعيد
وأنا فى قساوة الموحش
الزمن المكهرب بالحريق
أنا حيلتى غيه
قولى لى يا قمر الزمان
غير إتكى واحلم معاك (م)
وأحضن أماسى الصحوة
والأمل البريق

[حبيب شندي]

قطار الشوق

قطار الشوق متين ترحل تودينا
نشوف بلدا حنان اهلا ترسى هناك ترسينا


نسائم عطبرة الحلوة تهدينا و ترسينا
نقابل فيها ناس طيبين فراقم كان ببكينا
يا قطار الشوق متين توصل هناك حبيبنا راجينا
متين نحضن عويناتو متين يسرع يحيينا


يا قطار الشوق دا ليل الغربة فيهو ودار
متين تسرع متين بتكمل المشوار
عشان ما نلقى سيد الناس و نطفى البينا من النار
نشوفو عيونو نعسانة و لونو الزاهى كلو نضار


يا قطار الشوق حبيبنا هناك يحسب فى مسافاتك
و لو تعرف غلاوة الريد كنت نسيت محطاتك
وكان بدرت فى الميعاد و كان قللتة ساعاتك
و كان حنيت على مرة و كان حركت عجلاتك

[حبيب شندي]

جفت مقلتى الباكيه ونامت من سنين احزانى
وجاى تفتش الماضى خلاص الماضى ولا زمان
ارجع للزمن مره واتذكر حكايتى معاك
تلاقى القصه جد مره يا المراعيت شعورى معاك
تجى تترجى بالدمعات اسامحك انسى اغفرليك
جفف دمعك الغالي واسامحك ما عشان عينيك
عشان تتعلم الغفران وترحم لو زمن جاربيك
وحاول لو قدرت كمان تقدر رقة الحابيك
ولورجع الحنين عاود وليك من تانى ودانى
ولو مكتوب عليه احب بحب انسان يكون تانى
وعزة نفسى مابيه على اسلم امرى ليك تانى
سنين الهجر بينتنا وحاجات تانيه حاميانى

[وليد محمد مصطفي]

حبيب شندي كلمات كلها رووووعة تسلم اخوي شكرك ما بقيسو الفم

واختيارك ممتاز زدنا كمان شوية

[حبيب شندي]

شكراااااااااااااا وليد

[سودانية]

إختيار موفق لكلمات رائعة جدا

مشكور حبيب شندي

[عباس ودأرتولي]

حبيب شندي مشكور ياغالي .............

[الشنقيطي]

تسلم ياحبيب شندي وبجد ابداااااااااااااااااع

سلمت يداك ياراقي

لك تحيتي

[حبيب شندي]

إختيار موفق لكلمات رائعة جدا

مشكور حبيب شندي

سااااااااااااااااااااانكس

[حبيب شندي]

حبيب شندي مشكور ياغالي .............

تشكر يا غالي

[حبيب شندي]

تسلم ياحبيب شندي وبجد ابداااااااااااااااااع

سلمت يداك ياراقي

لك تحيتي

تسلم انت يا مبدع

[الخير حسبالله]

حبيب شندى(حبيب البلد) انشا الله تكون هلالابى . مع تمنياتى بمزيد من الابداع

[طبزه]

مشكور ياحبيب في أغاني كنت كايس لي كلماتها لي زمن ما قصرت تب

[حبيب شندي]

مشكور ياحبيب في أغاني كنت كايس لي كلماتها لي زمن ما قصرت تب


تسلم مستر طبزة