ثلاثة سنين

[ابو عبيده حسن]

با مستنى المطره
المطره ــــــ المطره
يا مستنى الرعد الضاربه
يا مستنى البرق الشالع
هاك تيراب ارميهو
اسقيهو خلى يفرهد
للمعزات الجاعن عطشن
موية المطره ام خيرا وافر
شوفوا الرعد الضارب فوقنا
شوفو الشمس الغابة جاتنا
شايله بشاير الخير لبلادنا
يا مستنى المطره تجيك
تعم واديكا يخدر زرعك
تلاته سنين
صبر راجيكا
وتنبت زهره
تزيد ميماتك
تقالد اماتك
يكون اليوم سكوت شماتك
تلاته سنين
يا ميماتى تلاته سنين
ام ميماتى صبراً صبرا
جيتك شايل ليك الريد
ويوم قابلتو كت ويحيد
ليلى نهار ونومى هظار
ما كت انا جادى فى الاحلام
ضو القمره اشوفو ظلام
تلاته سنين
الشمل اتلمه
مرض الريد اخفه الحمه
علاج الريد
شوفتك سلمى (ام اولادى)
1/2/2006/م ابو عبيده حسن (زيلوخ الصمد)
_________________
نتلمى فى هذا الحويش يبقالنا ذى ناطحة سحاب