ابو عبيده حسن
27-01-2006, 09:11 PM
تعب الجسم من غير قروش كيفن يفيد
لي زول تعب كاس إغتراب داير يجيب
يامحمد أبوك تاه ضل الطريق
داير الوصول ليكم قريب إلا المعايش وأقفه قدامو وتقول
لم القروش
وأبني للعيال مستقبلن
هاك قراية وهاك علاج
وأبني بيتاً بي مزاج
إنشاء الله قطية وحويش
قفص حمام قفص جداد
يساعدو في العيشي العسيري ياولاد
وتقولوا ابونا غاب وجاب
ونتلم في هذا الحويش يبقالنا زي ناطحة سحاب
وتشوفوا أبوكم جنبكم
وتربوا بيني أنا وأمكم
وتاني أفكر في الرجوع
وأسمع صدى صوتكم يقول
يابابا لاتسافر براك
ياأقعد هني... بس ياكمان سوقنا معاك
يايابا مرسى هي مشتهاك
يادوب تتم إتنين سنه
وقبال تتم رضاعته جيت شفتها زي الحلم
وقبال ملامحك في مخيخية تترسم
صديت رجع
أديتا عطفاً مو كتير
دايراهو من تمت شهير
يايابا أرجع نحن مادايرين قروش
يايابا دايرين الحنان
دايرين نردد يابا بلليل بالصباح
دايرنك تكورك ياولد
تنهرنا لوكان في غلط
والصاح يبسطك مننا
حملاً تقيل خليتو ليه لي أّمنا
يايابا أرجع لمنا...
***
يوم رحيلي غلبني أوادع
قمت بدري اديته نظره على وجوهكم والعيون صبت مدامع
شان فراقكم مابإيدي
بالغلب بكتب مقاطع
الوصيه الداير أقوله...
يامحمد أبقى عشرة على قرايتك جوّد القرآن وطالع
وياملاذ الصحة هامة
أبقي بتا ذى قمر فى سماهو ساطع
ولوتعرفوا الشي البيحصل
مابتقولوا أبونا أرجع
إلا برضو تراني راجع
ومرسى برضو تراني راجع
وشان تعرفوا تراني راجع عدوا لايامي الأصابع
وشان تعرفوا تراني راجع عدوا لايامي الأصابع
القصيده كتبتها وانا في المملكة العربية السعودية
والميمات رمز لأبنائي الثلاثة(محمد وملاذ ومرسى)
والقصيدة تاخذ طابع الإمالة بلغة أهلنا في شمال السودان
ابوعبيده حسن(زيلوخ الصمد)
27/1/2006م
لي زول تعب كاس إغتراب داير يجيب
يامحمد أبوك تاه ضل الطريق
داير الوصول ليكم قريب إلا المعايش وأقفه قدامو وتقول
لم القروش
وأبني للعيال مستقبلن
هاك قراية وهاك علاج
وأبني بيتاً بي مزاج
إنشاء الله قطية وحويش
قفص حمام قفص جداد
يساعدو في العيشي العسيري ياولاد
وتقولوا ابونا غاب وجاب
ونتلم في هذا الحويش يبقالنا زي ناطحة سحاب
وتشوفوا أبوكم جنبكم
وتربوا بيني أنا وأمكم
وتاني أفكر في الرجوع
وأسمع صدى صوتكم يقول
يابابا لاتسافر براك
ياأقعد هني... بس ياكمان سوقنا معاك
يايابا مرسى هي مشتهاك
يادوب تتم إتنين سنه
وقبال تتم رضاعته جيت شفتها زي الحلم
وقبال ملامحك في مخيخية تترسم
صديت رجع
أديتا عطفاً مو كتير
دايراهو من تمت شهير
يايابا أرجع نحن مادايرين قروش
يايابا دايرين الحنان
دايرين نردد يابا بلليل بالصباح
دايرنك تكورك ياولد
تنهرنا لوكان في غلط
والصاح يبسطك مننا
حملاً تقيل خليتو ليه لي أّمنا
يايابا أرجع لمنا...
***
يوم رحيلي غلبني أوادع
قمت بدري اديته نظره على وجوهكم والعيون صبت مدامع
شان فراقكم مابإيدي
بالغلب بكتب مقاطع
الوصيه الداير أقوله...
يامحمد أبقى عشرة على قرايتك جوّد القرآن وطالع
وياملاذ الصحة هامة
أبقي بتا ذى قمر فى سماهو ساطع
ولوتعرفوا الشي البيحصل
مابتقولوا أبونا أرجع
إلا برضو تراني راجع
ومرسى برضو تراني راجع
وشان تعرفوا تراني راجع عدوا لايامي الأصابع
وشان تعرفوا تراني راجع عدوا لايامي الأصابع
القصيده كتبتها وانا في المملكة العربية السعودية
والميمات رمز لأبنائي الثلاثة(محمد وملاذ ومرسى)
والقصيدة تاخذ طابع الإمالة بلغة أهلنا في شمال السودان
ابوعبيده حسن(زيلوخ الصمد)
27/1/2006م