..حنتواعد ..

[عمار بيلي]

حنتواعد
علي إنو بس تزكري
من وين إنحن حنبتدي
وتبدا الجراحات تندمل
ويبقي قولك ما حقيقه
ما حقيقه مغيبه
علي إنو كيف
زمن المخاوف والمحن
إيدك علي راحتي
وعلي خاطر الاسي
الممدود شقي
نفرش فرح نتوسدوا
ونغني
نغني قصتنا القبيل
نغني اشواقنا .. ومرحنا
تتراقص الغيمات هناك
نغني ويتقالد فرحنا
نغني أنحن برانا
من جوانا
سمح الكلام
اجمل غنا
نغني وإتبادر خواطرنا
الدعاش
حلو القصائد
عينيك وانا
....
حنتواعد
نبدا نعيد ترتيب
الريد الاول
نقلع من بيناتو
الشتل النور حنضل
وكل اراضي الصي والريح
تتحول
فرع بيطرح فينا
ثمار الخطو الباقي
وفضل
ورده وبس
بيها معاني الود تتجمل
والورده اكيد
ما بين عينيك
وبين جواي
اكيد
الورده تقيف تتأمل
...
حنتواعد
ساعة الجرح الغاير فينا
يغازل عصب الجوف
بالوعد النور
نوصل ضل العتمه
وقلب الشوف
نفتح صفحة ريدي
وحلمك
نبدأ نغير نحن ملامح
الزمن الزيف
ويبقي يغني معانا
الليل
النسمه
الطيف
حتي زمان الدرب القاسي
ساعة يبدا يهامس فينا
الشجن
الوحده
الخوف
بنبقي أنحن نشيل
الامل الذاد لي بكره
وبكره عشان الوعد النور
بتلاقي الفرحه
وتلقي القيف
بتلاقي الريد
قدامك دربو
مد عينيك الحانو
وبلقاك الريد
ماليك خريف

[بلدي يا حبوب]

معاك في كل لحظاتك
شموس تدخل مداراتك
تزيل عنك ظلام الهم
تضويلك مساحاتك
معاك في كل لحظاتك
وريد لي دمك المعسول
ينظم ليك نبضاتك
يحلق في مداخلك شوق
يريح كل مساماتك
معاك في كل لحظاتك


ولسة معاك

لك الحب قبل التحية ابوياسر