زمااااااااااان وكيف اسامح ؟؟؟

[خالد الفحل]

زمان

زمان قبل اشوف الشفته هسع
بدايتى معاك جد مفرحة
لما يبدا الليل حباه
اعيد ذكرياتك صفحه صفحه

ووبتوسد مكانى من الظلام
واصغى المسامع وافتحه
تمر اطياف الجمال
فى صوره واحده مسمحه
وحتى اطياف العتاب
اتمنى من الطيف يمسحه

وتانى ماتتعاود على
لافى ذاكرتى لا المحه
وتكون معاى اجمل ذكريات
للناس فريدة واضحه

بس لقيت انا المسكين
داخل ببطء فى مذبحه
عائش كمين ابشع ضياع
فى ليله ضنكه ما اصبحه

خليتنى براى انا فى الجحيم
ما تبرر مواقفك وتشرحه
ما انا حقى العذاب
وانت ليك السعاده
راجع موازينك ورجحه

ولى زمانك لى كم
وبدل الوجود العشتو هم
الصبر من جورك يعود
ينظم تعاويذ ان ليك بسبحه

ايمكن تكفر حقى منك
وايمكن تخفف حقى عنك
وتبقى توبة من الذنوب
وكل الخطايا تصححه
خالد الفحل