النهاش
22-12-2005, 12:16 PM
صلوا على النبي المختار عليه أفضل الصلاة والتسليم
أستغفروا ربكم إنه كان غفارا
ناس الموقع
بريدكم بلحليل وقريت مواضيعكم كلها واحد واحد وألف مرحب بعد ما أدانى مدير الموقع الامان وكمان أنا لا يخاف لا بعرف الخوف وإن كشكش كديس بقوم صوف
مرحبا بيناتكم
وعايز أشارك بأي مشاركة
لكن والله يا جماعة غلبتنا ساي وحيرتنا وجننتنا الدنيا أم قدد بعد ما بقت البقت
لامن كنا طلبة بقينا في طلائع مايو
دفعنا ثمن
بقينا يسار الحكومة بقت يمين
بقينا طائفية..... الحكومة بقت جبهجية
بقينا جبهجية... الحكومة بقيت عسكر ومؤتمر طنية.
دخلنا الجامعة ..قلنا يمكن نبقى مثقفين ومفكرين لقينا الجامعة بقت زرائب ودخولية... تخرجنا قلنا يمكن نبقى صفوة وأفندية لقينا أنفسنا عطلجية... وأنتهى بينا الحال في أبوعشرين والطورية وحتى هملتنا وإنطلاقتنا كانت هملتن بالمريسة والبوقونية.
قلنا نعرس بت الحلال قالوا لينا أمشوا السعودية .. جابتنا الكشة راجعين للمزارعية لا لمينا في بت الحلال ولا تلمينا مع الأفندية وهم وغم لقمة العيش نسانا والله القرينهو في الإبتدائية.
قلنا نشارك معاكم في المنتدى بعد ما فكرنا تلف وهمنا بقى في الحواشة والحمارة والطورية. قالوا لينا أدفعوا تمن القعدة في الكمبويتر وإنتو مابتشبعوا وخلاص الوقت إنتهى وإنتو ما عندكم شغلة تقضوها خلاص دايرين ننوم هووونا.... إنتو إنشاء الله ببركة الحراكات والكراكات يهوي بيكم في نار جهنم.
عليكم الله أدوووني حل يحلحل لي مشكلتي مع نفسي ومع المنتدى ومع الوهم ومع العدم ويفكني من الطورية
أستغفروا ربكم إنه كان غفارا
ناس الموقع
بريدكم بلحليل وقريت مواضيعكم كلها واحد واحد وألف مرحب بعد ما أدانى مدير الموقع الامان وكمان أنا لا يخاف لا بعرف الخوف وإن كشكش كديس بقوم صوف
مرحبا بيناتكم
وعايز أشارك بأي مشاركة
لكن والله يا جماعة غلبتنا ساي وحيرتنا وجننتنا الدنيا أم قدد بعد ما بقت البقت
لامن كنا طلبة بقينا في طلائع مايو
دفعنا ثمن
بقينا يسار الحكومة بقت يمين
بقينا طائفية..... الحكومة بقت جبهجية
بقينا جبهجية... الحكومة بقيت عسكر ومؤتمر طنية.
دخلنا الجامعة ..قلنا يمكن نبقى مثقفين ومفكرين لقينا الجامعة بقت زرائب ودخولية... تخرجنا قلنا يمكن نبقى صفوة وأفندية لقينا أنفسنا عطلجية... وأنتهى بينا الحال في أبوعشرين والطورية وحتى هملتنا وإنطلاقتنا كانت هملتن بالمريسة والبوقونية.
قلنا نعرس بت الحلال قالوا لينا أمشوا السعودية .. جابتنا الكشة راجعين للمزارعية لا لمينا في بت الحلال ولا تلمينا مع الأفندية وهم وغم لقمة العيش نسانا والله القرينهو في الإبتدائية.
قلنا نشارك معاكم في المنتدى بعد ما فكرنا تلف وهمنا بقى في الحواشة والحمارة والطورية. قالوا لينا أدفعوا تمن القعدة في الكمبويتر وإنتو مابتشبعوا وخلاص الوقت إنتهى وإنتو ما عندكم شغلة تقضوها خلاص دايرين ننوم هووونا.... إنتو إنشاء الله ببركة الحراكات والكراكات يهوي بيكم في نار جهنم.
عليكم الله أدوووني حل يحلحل لي مشكلتي مع نفسي ومع المنتدى ومع الوهم ومع العدم ويفكني من الطورية