رغــــــم البعـــــد

[خالد الفحل]

رغم البعد

رغم البعد البينى وبينك
انت معاى والقلب مكانك
وطول الخطوة البقى بيناتنا
والعارض الواقف ديمة امامك

لابد من يوم الخطوة بتقصر
ويتزال العارض الوالى زمامك
وافرح بيك من تانى واول
وتسعدى انت معاك ايامك

ما الهم الساكن فى بدونك
حمل الفرقة يزيد الامك
وكل مالشمس بتسجد خارة
قلبى معاك ارويه حنانك

بخاف فى ليلك تبقى براك
والخوف الحايم يملا ظلامك
واهل الدار الزايره فيها
تبقى الونسة وشوق لى سلامك

ما بتحمل ايد فوق ايدك
زى كابوس فى نص احلامك
خليك وحبك لى برايا
وخلينى معاك هناك قدامك

واقسمى لى الفرحة الفيها
وحقى وحقك من احزانك
وانت اطمنى انا راجيك
محال يتبدل انت غرامك
مهما طال ديك الخطوة
وجور الظرف المالى زمانك

والوعد المنك لى يتحقق
يملا الفرح وتفيض اركانك
وتبقى لى كمان عنوان
وتبقى الفرحة كمان عنوانك
وتبقى الفرحة كمان عنوانك

ودالفحل