المساعد الشخصي الرقمي

مشاهدة النسخة كاملة : من القلب السودانى للقلب المصرى مع تحيات ندى بسيونى

abukrtona
07-12-2005, 12:40 PM
مافي شي بورم فشفاشي ويفقع مرارتي زي شعار برنامج (ندى بسيوني) من الألب وللألب .. أجري كالمجنون أبحث عن الريموت وأحول القناة إلى (جيبوتي) ... الزول الفكر في البرنامج دا .. يا إما تور ... أو تور ... لأنه البرنامج يمتاز بالآتي :

- لا توجد لديه فكرة واضحة ...
- يجعل المشاهد السوداني المغلوب على أمره يتابع - غصبا عن عين أبوه – قصص وروايات الممثلين المصريين ... وكيف دخلوا مجال التمثيل .
- يتم اقحام اسم السودان بالعافية أثناء الحوار ... فجأة تسأل بت بسيوني المضيف ... أيه علاقتك بالسودان ؟ طبعا الممثل بلقى نفسه في مطب ولازم يجامل فيقول ليها : أنا في الحئيئة بحب السودان أوي أوي ... دول حبايبنا .
بت بسيوني : حصل زرت السودان ؟
الممثل : في الحئيئة لا . بس نفسي أزوره . ولي صحاب سودانيين كتير أوي ... دول اخواتنا ...

ودا ينطبق على معظم الذين تم استضافتهم في البرنامج ...
معرفة معظمهم عن السودان لا تتعدى مشاهد فلم (طرزان) لاسماعيل يس تم تصويره في الستينات ... وكله قرود وأسود ...

أنا في الحقيقة ما بلوم بت بسيوني ... بلوم ناسنا الطرمبش ديل ... البنية قاعدة عند اهلها في أمانة ربها ... جوها شايلين التياب من سعد قشرة عشان تقدم ليهم البرنامج المهزلة دا ... هو زاتو بتكون فكرة البرنامج طالعة من سعد قشرة من سيد الدكان حق التياب

الموضوع منقول
الفاتح ود مرتضي
07-12-2005, 03:01 PM
>&"http://jmal.y1y1.com/albums/userpics/10974/0%7E118.jpg"

ندى بسيوني تجيد قواعد " اللعبة"

كمبوديا تعتزم إرسال قوات خالية من «الإيدز» ضمن قوات حفظ السلام إلى السودان. (نقلا عن جريدة الشرق الأوسط 7/12/2005
مينو
08-12-2005, 07:46 AM
لا ياخى المشلكه نحن عندنا مبدعين ما شاءالله عليهم لكن للاسف ماعرفين عنهم ايه حاجه ومدفنيين لكن مجرد ما اجى زول من خارج السودان تلقى الاعلام جارى ليه جرى شى صحافه و اذاعه وتلفزيون
وووووووو

قالو الزاد كما كفى ناس البيت حرم على الجيران
abdelazim
11-12-2005, 10:26 AM
والله يا أبو كرتونة انت ما في شئ موجع فشفاشي في تليفزيون السودان إلا البرنامج دا وبعدين الأغنية دي من يجيبوبها البيت كله بيجري علي السيد الريموت عشان يقفل الصوت والا يشوف قناة تانية. المشكلة في محل التياب بتاع سعد قشرة لأنهم فارغين ولقو ليهم ممثلة عجوز ما عندها أدوار في السينما المصرية!!!! وبعدين هل فعلا نحن ناقصين مصريين؟
الصفر البارد
11-12-2005, 03:58 PM
دا برنامج تافه وتافة جدا جدا ودليل علي انه مدير التلفزيون ما عندو مووووووووضوع وعلي فكرة شركة موباتل هي التي تقدم البرنامج وهو برنامج دعائي في المقام الاول لكن فكرة رخصة وتافة زي وش مدير موباتل تنم عن جهل في فكرة التسويق وانا متاكد ان ندى بسوني ضرررررررربت ليك ناس سودتيل مبلغ خرافي ,,,, وما تنسى انه مدير التسويق الذي اخترح البرنامج اكيد ضااااااااااارب عمولة تقيلة جدا جدا جدا


شوية حرامية + شوية عفن قال من الالب قال سلملي علي ندى بسوني ورقصني يا جدع :twisted:



الصفر البارد