المساعد الشخصي الرقمي

مشاهدة النسخة كاملة : مسدار 24

باسعيد
20-12-2008, 08:43 PM
كلما ادور انوم وآخد لي هجعــة
أحس باليل كلاي يدني وجعـــة
بعدنا من البلد ونجعنا نجعـــة
علي البريب متين ياربي رجعـة
ابراهيم ود الفراش...
عباس ودأرتولي
20-12-2008, 09:20 PM
ربنا يرجعك لبلدك سالم غانم
باسعيد
21-12-2008, 08:30 PM
اللهم امين
تسلم ياودر ارتولي...
قباض
21-12-2008, 09:07 PM
الشعر زاملتنا وماف قباضي غالبو يرص
كبيرنا حكيم وفي العوقة تلقاو نص
صغيرنا يرجح الكفة لو في صباعو يمص
حريمنا فئوس سمحات عفافهن يقص
قباض
21-12-2008, 09:20 PM
:las1:انا التلب اللزوم مدخور اشيل الشيلة
قادل بي مهل دايما مشيتي عديلة
انا القباض اصم عدال عوجة الميلة
ستار للولاية سكات الببكي عويلة
باسعيد
21-12-2008, 09:26 PM
صح لسانك اخوي قباض..
قباض
21-12-2008, 09:28 PM
مجرب من زمان انا البجيني بسندو
ولي حل الشبك ضراعي كارب زندو
مابهم القرش في ضرايا دايما افندو
دي خصلات البجود بي العندو والماعندو
قباض
21-12-2008, 09:39 PM
يا حصحاص اخوي يسلم لسانك ويسمو
يختاك الفقر قط ما تحس بي الـــمو
في نص الخلوق دايما تعادي الظلـموا
تنصر كل ضعيف وتصبحلو سيفو وقلمو
قباض
21-12-2008, 09:58 PM
اخوي حصحاص البليله كل سنه وانت طيب
انشاءالله تعود الي بلدك غانم وسالم ونسمع
عنك كل طيب انشاءالله
قباض
ديم القراي/طيبةالخواض