موسم الهجره الزرقاء الي العرضه جنوب

[أبو رنا]

الطفرة الكبيرة التي حققها المريخ في مجال الكرة والمنشآت والتي بدأت بتحديث استاد المريخ ثم النتائج الباهرة في البطولة الأفريقية خلال الموسمين الاخيرين ثم الفوز ببطولتي الدوري والكأس وقبل ذلك الخبطة المذهلة بالتعاقد مع نجم أفريقيا ستيفن وورغو بصفقة قاربت الثلاثة ملايين دولار.
وهروب العديد من لاعبي الهلال إلى المريخ بداية بطمبل وحتى كلتشي.. وعرض يوسف محمد وداريوكان تقديم خدماتهما للمريخ!!.. كل هذه النجاحات المريخية دفعت الكثيرين من أنصار الهلال لترك تشجيع الهلال والتحول للمريخ بداية بمشجع الهلال الشهير "لب" وكان آخر المتحولين أحمد ابن الهلالي الكبير صلاح دهب والذي إعترف والده قبل يومين عبر صحيفة أخبار اليوم من خلال عموده بتحول إبنه لتشجيع المريخ!! وقد تناول صلاح دهب هذه الظاهرة وقال إنها باتت تهدد مستقبل الهلال.
الهجرة الجماعية من العرضة شمال إلى العرضة جنوب باتت ظاهرة واقعة ولا غرابة في ذلك بعد النجاحات الكبيرة التي حققها المريخ في مجال المنشآت والكرة وتسجيلات المليارات..
وحسناً فعل المريخ بتركيب الطابق الثاني بالاستاد لمقابلة التزايد الجماهيري المضطرد.
وبمناسبة الطابق الإضافي الجديد بالاستاد فهذا العمل المتوقع اكتماله في نهاية الشهر القادم بإذن الله.. سيفاجئ جماهير الكرة والرياضيين عندما يشاهدون استاد المريخ وقد تحول لمصاف الاستادات العالمية ومن المؤكد أن يتسبب في المزيد من طوفان الهجرة من الشمال إلى الجنوب..
الحمد لله الذي أنعم على المريخ بكل هذا النجاح والتطور والذي بلا شك سيكون دافعاً للند الهلال لبذل المزيد من الجهد ليكون في مصاف المريخ وحتى لا تختل موازين القوى بين الندين الكبيرين

[أبو رنا]

في المهرجان المرتقب للاحتفال ببطولتي الدوري والكأس سيتم تكريم المشجع "لب" كممثل لكبار المشجعين المنتقلين من الهلال بجانب تكريم الصبي أحمد صلاح دهب كممثل للأطفال المنتقلين من تشجيع الهلال للمريخ


****
العقبال لأخونا السليماني

[عطبراوي]

كلام والله ,

أصلو يابو رنا ما سمعت لي بي زول هاجر.

كل البعرفو انو البيقولو نحن مريخاب ونحن الصفوة ديل

أصلا بيكونو هلالاب لكن بس زعلانين شويه :4kw:

[السنوسي]

أبو رنا كل عام وانت بخير و ربنا يحقق أمانيك كلها( إلا الأماني الغريبة دي.:tee43:)
لك الحق أن تحلم أن يكون الهلالاب مريخاب حتى نقتنع أنكم فعلا صفوة... (بس لا تكتر المحلبية):tee43:
أصدق من يتحدث عن جمهور الهلال هو جمهور الهلال.. و الذي يعرف تماما أن زرق الجباه لا يملون الموج الأزرق و هو جزء من حياتهم كالماء و الهواء..
و حتى لو فرضنا فرضا أن هناك من غضب يوما و حرد هذا الجزء من حياته لفترة (كما نحرد الأكل أحيانا) فمن المستحيل التحول لتشجيع المريخ.... و أسأل كل هلالي عن هذا السر العجيب الذي يربطهم بالموج الأزرق الذي أغرقنا بحبه سنينا.. وهذه النشوة الطروبة لمجرد ذكر الهلال.. اسأل هل يمكن التخلي عنها؟؟؟
أما علمت أن الهلال هو زارع الفرح في حواري المدائن و حافلات النقل العامة و دكاكين الحلة و أندية القرى.
أوما بلغك أن الإنضمام للكتائب الزرقاء لنادي الحركة الوطنية هو شرف لا يمكن التفريط فيه حتى و لو كان البديل هو شيلسي معقل البلوز و إن تشابه اللون.
يا عزيزي كفاكم سيرا خلف ركابنا الزرقاء... قلنا الزعيم قلتم الزعيم بالعرضة جنوب... عزفتم على أضعف الأوتار في النفس البشرية و سرقتم منا أضعفنا نفسا بوسائل ما في ليلة ما .. و أدرك الهلال الصباح فسكت عن الكلام المباح... لأن الهلال كبير... و الكبير كبير.
اعلامكم ووسائلكم و دعايتكم و طرحكم و تغلغلكم في المؤسسات السياسية و تحالفاتكم هي نفسها التي استخدمها دهاقنة الشوكة المغروسة في خاصرة العرب لستين عاما خلت أفلا تفيقون...
لم أفهم كيف ينتقل مشجع لتشجيع نادي لأن المساحة في أستاده أرحب!!!! و لماذا أنشأتم طابقا ثاني أصلا... تكفيكم مساطب قليلة و الباقي سوف يمتليء بالوطنيين حين تلعبون بإسم السودان لأن السودان عندنا ثانيا و شعارنا معروف... و دونك تكريم نجمكم في ضاحية مغمورة اسمها أفغاني!!!
احلم عزيزي فلا حجر على أن أحد أن يحلم... و لكن الأحلام الوردية تورث الإحباط عند مجابهة الواقع.
كل سنة و إنت طيب يا أبو رنا و القابلة هلالابي إن شاء الله قول آمين.

[الهميم]

[QUOTE=السنوسي;88889]أبو رنا كل عام وانت بخير و ربنا يحقق أمانيك كلها( إلا الأماني الغريبة دي.:tee43:)
لك الحق أن تحلم أن يكون الهلالاب مريخاب حتى نقتنع أنكم فعلا صفوة... (بس لا تكتر المحلبية):tee43:


[color=#000099]السنوسي يا خوي المحلبية ما بتسوي كدي يكونو كترو الشربوت

[عباس ودأرتولي]

[QUOTE=السنوسي;88889]أبو رنا كل عام وانت بخير و ربنا يحقق أمانيك كلها( إلا الأماني الغريبة دي.:tee43:)
لك الحق أن تحلم أن يكون الهلالاب مريخاب حتى نقتنع أنكم فعلا صفوة... (بس لا تكتر المحلبية):tee43:


[color=#000099]السنوسي يا خوي المحلبية ما بتسوي كدي يكونو كترو الشربوت
:tee43::tee43::tee43::tee43:

[السنوسي]

السنوسي يا خوي المحلبية ما بتسوي كدي يكونو كترو الشربوت[/QUOTE]

هههههههههههههههههههههههههههه:sm179:
و الله دي قلبت فيها الهوبة.... خاصة و انو الدنيا عيد ضحية.
تشكر على تعليقك و كل سنة و انت طيب يا الهميم.

[امير]

حيرتني ابو رنا ..
مرات تكتب كلام عقل .. بالرغم انك من الكفوة!!
ومرات بتكتب مواضيع عبيطة زي موضوعك الكاتبو ده !!
يعنى مافى فرق بينك وبين الصحفيين المرتزقة ..امثال متفلهم ابو الفاهم ..فى عمودة كضب الحقيبة..
يا خى خليك زول عاقل أكتب المفيد ..

[امير]

أوما بلغك أن الإنضمام للكتائب الزرقاء لنادي الحركة الوطنية هو شرف لا يمكن التفريط فيه حتى و لو كان البديل هو شيلسي معقل البلوز و إن تشابه اللون.
يا عزيزي كفاكم سيرا خلف ركابنا الزرقاء... قلنا الزعيم قلتم الزعيم بالعرضة جنوب... عزفتم على أضعف الأوتار في النفس البشرية و سرقتم منا أضعفنا نفسا بوسائل ما في ليلة ما .. و أدرك الهلال الصباح فسكت عن الكلام المباح... لأن الهلال كبير... و الكبير كبير.

:61::61::61:

[عباس ودأرتولي]

حيرتني ابو رنا ..
مرات تكتب كلام عقل .. بالرغم انك من الكفوة!!
ومرات بتكتب مواضيع عبيطة زي موضوعك الكاتبو ده !!
يعنى مافى فرق بينك وبين الصحفيين المرتزقة ..امثال متفلهم ابو الفاهم ..فى عمودة كضب الحقيبة..
يا خى خليك زول عاقل أكتب المفيد ..

اخي الله لا يجيب العبط....
ليس بمرتزقة ولا امثال فلان..ويكفي انه مريخي ليثبت انه عااااااااااااااااااااااااااااااااقل...
وهو ابورنا...

[امير]

اخي الله لا يجيب العبط....
ليس بمرتزقة ولا امثال فلان..ويكفي انه مريخي ليثبت انه عااااااااااااااااااااااااااااااااقل...
وهو ابورنا...

الأخ / محامي بلا قروووووش ..
انت رأيك شنو حضرة الأفوكاتو .. ( مشجع اتحول من المريخ للهلال) ( بنينا الطابق الثاني)..
دى مواضيع بيتداولوهوا الشماشة والأطفال واصحاب العقول الصغيرة .. ومرتزقة الصحف .. العايزين يبيعوا صحفهم ..واي حد يشاركهم فى العبط ده عبيط !!

[أبو رنا]

كلام والله ,

أصلو يابو رنا ما سمعت لي بي زول هاجر.

كل البعرفو انو البيقولو نحن مريخاب ونحن الصفوة ديل

أصلا بيكونو هلالاب لكن بس زعلانين شويه :4kw:

العطبرواي ...... سلام وكل سنه وانت طيب
ياخوي البيشجع الزعيم ما بزعل وإن زعل بنوم في البيت ما بتحول لتشجعيع الهليل

[أبو رنا]

أبو رنا كل عام وانت بخير و ربنا يحقق أمانيك كلها( إلا الأماني الغريبة دي.:tee43:)
لك الحق أن تحلم أن يكون الهلالاب مريخاب حتى نقتنع أنكم فعلا صفوة... (بس لا تكتر المحلبية):tee43:
أصدق من يتحدث عن جمهور الهلال هو جمهور الهلال.. و الذي يعرف تماما أن زرق الجباه لا يملون الموج الأزرق و هو جزء من حياتهم كالماء و الهواء..
و حتى لو فرضنا فرضا أن هناك من غضب يوما و حرد هذا الجزء من حياته لفترة (كما نحرد الأكل أحيانا) فمن المستحيل التحول لتشجيع المريخ.... و أسأل كل هلالي عن هذا السر العجيب الذي يربطهم بالموج الأزرق الذي أغرقنا بحبه سنينا.. وهذه النشوة الطروبة لمجرد ذكر الهلال.. اسأل هل يمكن التخلي عنها؟؟؟
أما علمت أن الهلال هو زارع الفرح في حواري المدائن و حافلات النقل العامة و دكاكين الحلة و أندية القرى.
أوما بلغك أن الإنضمام للكتائب الزرقاء لنادي الحركة الوطنية هو شرف لا يمكن التفريط فيه حتى و لو كان البديل هو شيلسي معقل البلوز و إن تشابه اللون.
يا عزيزي كفاكم سيرا خلف ركابنا الزرقاء... قلنا الزعيم قلتم الزعيم بالعرضة جنوب... عزفتم على أضعف الأوتار في النفس البشرية و سرقتم منا أضعفنا نفسا بوسائل ما في ليلة ما .. و أدرك الهلال الصباح فسكت عن الكلام المباح... لأن الهلال كبير... و الكبير كبير.
اعلامكم ووسائلكم و دعايتكم و طرحكم و تغلغلكم في المؤسسات السياسية و تحالفاتكم هي نفسها التي استخدمها دهاقنة الشوكة المغروسة في خاصرة العرب لستين عاما خلت أفلا تفيقون...
لم أفهم كيف ينتقل مشجع لتشجيع نادي لأن المساحة في أستاده أرحب!!!! و لماذا أنشأتم طابقا ثاني أصلا... تكفيكم مساطب قليلة و الباقي سوف يمتليء بالوطنيين حين تلعبون بإسم السودان لأن السودان عندنا ثانيا و شعارنا معروف... و دونك تكريم نجمكم في ضاحية مغمورة اسمها أفغاني!!!
احلم عزيزي فلا حجر على أن أحد أن يحلم... و لكن الأحلام الوردية تورث الإحباط عند مجابهة الواقع.
كل سنة و إنت طيب يا أبو رنا و القابلة هلالابي إن شاء الله قول آمين.

الحبيب السنوسي لك التحيه .... وكل سنه وانت طيب
والسنه الجايه علي صعيد عرفات
****
كل يوم تقنعني انك كبير وإنك ما بتشبه الوصيفاب
ياخي تعال جاي ساي
مع تحياتي

[أبو رنا]

[QUOTE=السنوسي;88889]أبو رنا كل عام وانت بخير و ربنا يحقق أمانيك كلها( إلا الأماني الغريبة دي.:tee43:)
لك الحق أن تحلم أن يكون الهلالاب مريخاب حتى نقتنع أنكم فعلا صفوة... (بس لا تكتر المحلبية):tee43:


[color=#000099]السنوسي يا خوي المحلبية ما بتسوي كدي يكونو كترو الشربوت

هههههههههههههههههههههه
الهميم لك التحيه وكل سنه وانت طيب
حلوه منك دي ,,,,,
بس
ما كترنا المحلبيه ولا الشربوت ....... كترنا (اللفات) والكأسات

[أبو رنا]

اخي الله لا يجيب العبط....
ليس بمرتزقة ولا امثال فلان..ويكفي انه مريخي ليثبت انه عااااااااااااااااااااااااااااااااقل...
وهو ابورنا...

شكرا شكرا حبيبي واخي عباس

[أبو رنا]

الأخ / محامي بلا قروووووش ..
انت رأيك شنو حضرة الأفوكاتو .. ( مشجع اتحول من المريخ للهلال) ( بنينا الطابق الثاني)..
دى مواضيع بيتداولوهوا الشماشة والأطفال واصحاب العقول الصغيرة .. ومرتزقة الصحف .. العايزين يبيعوا صحفهم ..واي حد يشاركهم فى العبط ده عبيط !!

اولا قلمنا يعف عن كتابة اي حرف فيه إساه لاي شخص مهما كان حجمه
وكنت لا اريد ان ارد عليك
لكن عشان الدنياء عيد والايام دي ايام مسامحه لهذا رديت عليك لاقول لك
شكرا
والكلام الشين ليس بفلوس لكن اخلاقنا تمنعنا ان ننساق خلفه
عموما كل سنه وانت طيب اخي
((( والمسامح كريم ))

[القريشابي]

اخي ابو رنا
كل سنة وانت طيب
وربنا يحقق امانيك

اها بعد السنين المرة والسهر الطال لقيتوا ليكم نومة طوالي خشيتوا في الحلم
معقول واحد يشجع سيد البلد يتحول لتشجيع المريخ
لوكان كاس الممتاز بحول المشجعين كان مشجعنكم بقوا مجلس الادارة بس
عليك الله الفرح ما يوديكم بعيد
اهمدوا شوية والجايات اكتر من الرايحات
لسة الهلال موجود والدوري جايي
والموية تكضب الغطاس

[أبو رنا]

اخي ابو رنا
كل سنة وانت طيب
وربنا يحقق امانيك

اها بعد السنين المرة والسهر الطال لقيتوا ليكم نومة طوالي خشيتوا في الحلم
معقول واحد يشجع سيد البلد يتحول لتشجيع المريخ
لوكان كاس الممتاز بحول المشجعين كان مشجعنكم بقوا مجلس الادارة بس
عليك الله الفرح ما يوديكم بعيد
اهمدوا شوية والجايات اكتر من الرايحات
لسة الهلال موجود والدوري جايي
والموية تكضب الغطاس

الحبيب القريشابي لك تحياتي وكل سنه وانت طيب والامور المعاك في الصوره
ربنا يحفظه ليك
نحن نريد الهلال يكون موجود وبقوته وعنفوانه
حتي نستمتع بالمنافسه القويه ؛؛؛ لانريده هلال يعتمد علي مؤثرات خارجيه في تحقيق نجاحاته
نريده ندا نخشاه ....
اما سيد البلد دي الماسكين فيها هي اللحقت الهلال ام طاه ...
اما تحول المشجعين .....فهذا الامر لم يذكره او يتطرق له كاتب وا صحفي مريخابي
بل كتبه صلاح دهب في عموده المشهور وحكي فيه تحول ابنه وغيره لتشجيع المريخ
وحتي انه حزر منها وقال انها تهدد مستقبل الهلال ....!!!!!
يعني نحن ما اتينا بشي من عندنا

[السليماني]

في المهرجان المرتقب للاحتفال ببطولتي الدوري والكأس سيتم تكريم المشجع "لب" كممثل لكبار المشجعين المنتقلين من الهلال بجانب تكريم الصبي أحمد صلاح دهب كممثل للأطفال المنتقلين من تشجيع الهلال للمريخ
****
العقبال لأخونا السليماني

ههههههههه والله كلامك دا ضحكني شديد

حد يلقي السعادة ويمشي يختار البعاد .... وبعدين احنا 5 سنين ابطال ما قلنا زي كلامكم دا

انتو لسه فرحانين ومن حقكم تفرحوا لان فرح المحرومين كفوه ههههههه

[أبو رنا]

ههههههههه والله كلامك دا ضحكني شديد

حد يلقي السعادة ويمشي يختار البعاد .... وبعدين احنا 5 سنين ابطال ما قلنا زي كلامكم دا

انتو لسه فرحانين ومن حقكم تفرحوا لان فرح المحرومين كفوه ههههههه

اين السعاده
السعاده في المقبره والله في الرد كاسل
السعاده في الزريبه والله في الكندشه والطوابق
السعاده في نادي يكرم لاعبيه ونادي يتهم لاعبيه
يالسليماني قول بسم الله
بعدين نحن فرحنا خدمة يمين وعرق جبين
وهذه صور الطابق الثاني للرد كاسل
http://www10.0zz0.com/2008/12/13/18/443649577.jpg

[أبو رنا]

هذه هي السعاده الحقيقيه
http://www3.0zz0.com/2008/12/13/19/696455897.jpg

[السليماني]

بخيت وسعيد عليكم

يتربي في عزكم ههههه

[ابوبكر يوسف]

انتو عارفين الصهاينه ديل حفرتهم البتفاصحو بيها دي مش لو عملوا ليها طابق ولا اثنين اياها زاته الحفره البنقلبو فيها شئ اربعات وشئ.......... خلوها مستوره. بعدين قصة الهجره من العرضه شمال للحفره جنوب دي معادله مستحيله اديكم مثال بسيط من الطبيعه عندنا نهر النيل اي زول بعرفوا يا ابورنا نهر النيل بجري من الجنوب للشمال ما العكس دي الطبيعه وسنة الحياه بتقول كده ما زي كلام كضب الحقيقه . بعدين انت ما قريت رواية الطيب صالح مؤسم الهجره للشمال

[ابوبكر يوسف]

احتمال تكون ياابورنا بتقصد الرياح الشتويه التي تهب من الشمال للجنوب لكن الهبوب دي مابتشيل معاها الا الاكياس الفاضيه من نوعية طمبل وكلات( ششششششششك) . للمعلوميه الاكياس دي قبال ما يشيله الهواء كانت مليانه لكن استنفزت اغراضها عشان كدي فكيناها عكس الهواء

[أبو رنا]

احتمال تكون ياابورنا بتقصد الرياح الشتويه التي تهب من الشمال للجنوب لكن الهبوب دي مابتشيل معاها الا الاكياس الفاضيه من نوعية طمبل وكلات( ششششششششك) . للمعلوميه الاكياس دي قبال ما يشيله الهواء كانت مليانه لكن استنفزت اغراضها عشان كدي فكيناها عكس الهواء

الحبيب ابوبكر يوسف كل سنه وانت طيب
الكلام دا ما جابو كبد الحقيقه البيرفع ضغطكم دا كما ذكرت الكالم دا قالو صلاح دهب في ابنه
برضو هذا كيس فاضي
بعدين ياخي خليك واقعي شويه الارباب الان مالي الصحف عويلا وضجيجا
انه سوف يرجع طمبل ويتحدي كمان ,,, ولايخفي عليك ما حصل لكلتشي من الهلال عندما فاوضه المريخ ,,,, وبرضوا تقولو استنزفت اغراضها وانها اكياس فكيتوها عكس الهواء
وهم هدافي الدوري الممتاز
اقولك مقوله من كبد الحقيقه عشان ما تزعل حبيبي
((( الدجاج خارج القفص علي مسؤولية صاحبه )))
اوعو تفرضوا !!!!!! لا عزر لمن انزر
مع تحياتي لك

[ابوبكر يوسف]

اسف لانو نسيت اعيد عليك اسف مره اخري لتاخر الرد كل سنه وانت طيب وربنا يحقق الاماني الا اماني هزيمة سيد البلد الاصلي الهلال . بالنسبه لكضب الحقيقه ده مابرفع ضغطنا لكن بهبل بي نفسو ومفروض يكون مسؤل ويكتب كتابات مسؤوله لانو هو في منصب ماساهل. بالنسبه لابن صلاح دهب الله يخلي ليهو ما مقياس لانو احتمال يكون طفل مابعرف حاجه وما عاش وشاف هلال 87 ولاحضر هلال 92 .انا كم مره قلت ليك السيد الارباب رغم اختلافنا معاهو في حاجات كثيره الا انو هو حاليا افضل شخص يقود سفينة الهلال ويكفيه انه الوحيد الزي اتصدي لعنترات شداد وانه لا يدفع للمحترفين الا مايستحقونه ما زي رئيس الورغاب.طمبل ده برنامج تاني وداير مساحه كبيره للحديث عنو .اقتصر ليك واقول انو طمبل هو اغبي لاعب يمر علي تاريخ الهلال بل السودان عامه لانو ضيع علي نفسو فرصه الاحتراف في اوروبا عبر بوابة جنوب افريقيا وحاليا طمبل الهلال يختلف عن طمبل .........لانو مستواه انخفض حتي لو احرز 21 هدفا ويكفيه انه جلس اغلبية المؤسم علي دكة البدلا. بالنسبه للاعب النيجيري.......... يكفيه عارا انه خان حب الملايين التي احبته وخان النادي الزي قدمه للعالميه مثله مثل طمبل وهو ايضا مستواه انخفض .انا كلام كضب الحقيقه مابزعلني لكن بتاسف لانو ده كلام زول مامسؤول . ازيدك شعرا العفش خارج البص علي مسؤوليه صاحبه . احزروا الموج الازرق. تقبل تحباتي

[أبو رنا]

اسف لانو نسيت اعيد عليك اسف مره اخري لتاخر الرد كل سنه وانت طيب وربنا يحقق الاماني الا اماني هزيمة سيد البلد الاصلي الهلال . بالنسبه لكضب الحقيقه ده مابرفع ضغطنا لكن بهبل بي نفسو ومفروض يكون مسؤل ويكتب كتابات مسؤوله لانو هو في منصب ماساهل. بالنسبه لابن صلاح دهب الله يخلي ليهو ما مقياس لانو احتمال يكون طفل مابعرف حاجه وما عاش وشاف هلال 87 ولاحضر هلال 92 .انا كم مره قلت ليك السيد الارباب رغم اختلافنا معاهو في حاجات كثيره الا انو هو حاليا افضل شخص يقود سفينة الهلال ويكفيه انه الوحيد الزي اتصدي لعنترات شداد وانه لا يدفع للمحترفين الا مايستحقونه ما زي رئيس الورغاب.طمبل ده برنامج تاني وداير مساحه كبيره للحديث عنو .اقتصر ليك واقول انو طمبل هو اغبي لاعب يمر علي تاريخ الهلال بل السودان عامه لانو ضيع علي نفسو فرصه الاحتراف في اوروبا عبر بوابة جنوب افريقيا وحاليا طمبل الهلال يختلف عن طمبل .........لانو مستواه انخفض حتي لو احرز 21 هدفا ويكفيه انه جلس اغلبية المؤسم علي دكة البدلا. بالنسبه للاعب النيجيري.......... يكفيه عارا انه خان حب الملايين التي احبته وخان النادي الزي قدمه للعالميه مثله مثل طمبل وهو ايضا مستواه انخفض .انا كلام كضب الحقيقه مابزعلني لكن بتاسف لانو ده كلام زول مامسؤول . ازيدك شعرا العفش خارج البص علي مسؤوليه صاحبه . احزروا الموج الازرق. تقبل تحباتي
كل سنه وانت طيب وربنا يحقق الاماني
تسلم ابوبكر لك التحايا
***
بعدين مزمل دا احسن من بتوعين الشتل حقينكم ديل
اقله بيقول الحقيقه ويتأكد قبل ما يكتب اما ناس همشري يكفي ما قالوه في وارغو ووكيله المزيف
بعدين الاطفال ليهم حق .... كل يوم يروا المسيرات الحمراء في الشوارع منتشيه بالفرح
ويسألون ابوهم والله امهم دا شنو ,,,, يقولو لهم ديل جماهير الزعيم وعلي طول يشجعوه ويكبرو علي كدا
مالهم ومال نادي الحزن والهم والأنسحابات والمشاكل
اما الارباب فيكفي ما تشنه صحافتكم واقلامكم الان عليه
اما طمبل دا خلووووووووه نحن عاجبنا كدا ...بعدين انت لسه ماسك في الخيانه ياخوي الكوره بقت احتراف واللاعبين عليهم تأمين مستقبلهم لانها اصبحت الكوره مصدر رزقهم

نتمني ان نحرز الموج الازرق ,,,, هذا ما يسعدنا لاننا نحن لانأكل الميته
مع تحياتي لك