وضاحة ... أزهري محمد على

[سوماج]

وضــاحـه
أزهرى محمد على

الـــصــبــاح الـبـــاهـى لـونـك
وضــاحــه يــا فـجــر الـمـشـارق
غــابـــة الأبــنـــوس عـيـونــك
يـا بـنـيـة مـن خـبـــز الـفــنـادق
شيـدتى فى جواى صوامع للفرح
وفتحـت فى دنياى مسارح للمرح
وبــقـــيــتـى لـى سـكـة وعـيـون
لا قــدرت أطـولـك شـان أجـيــك
لا قـــدرتـــا مــن غـيــرك أكـون
وانــا بــيـــك مـالـيــنى الـكـــلام
حركتـا بـيـك عـصـب الـسـكـون
جـلـبــت لـيــك الـغــيـــم رحــط
طــرّزت لـيــك الـنــيــل زفـــاف
حــرقــتــا لـيــك الـشــوق بخــور
وفــرشـــت لـيــك الـريـد لـحـاف
لا الــســكــة بــيـك بـتــنــتـهـى
ولا مــعــاك مـلـيـــت الـطــواف
يـا ريـتــنـى لــو أقــدر أكـونـــك
الــصــبــاح الـبـــاهـى لــونــك
يـابــنـيــة مـن خـبــز الـفـــنـادق
غــابــة الأبــنــوس عــيـــونــك
وضــاحــه لــو طــال الـطـريــق
بـيــنـاتــنــا واتــرامـى الـــمـدى
وصـنــت مـسـامـعـك مـن نـداى
شــريــت فـيــــافـيــك الـصــدى
مـا تـحــنــى هــامـات الـنـخـيـل
مـا تــرمـى دمـعــات الــــنـدى
مـا تـشـنــفـى الـزمـن الـجمـيـل
دا الـعــمــر يــا دابــو ابــتـــدا
والـعـمـر آيـه حـيـكون بـدونــك
وضـاحـه يـا فـجـر الـمـشـارق
الـصــبــاح الـبــاهـى لــونـــك
يـابـنــيــة مـن خـبــز الـفــنادق
غـــابــة الأبــنــوس عـيــونــك .