سوماج
31-10-2005, 12:07 PM
اتبرا الطيبة
بينما نحن نقاسى بين رمضاء الماسى
وأقاصى المقبرة .. فأجتنا اتبرا
فإذا بالمقبرة تتنامى سنبلات
والماسي قبرة
دوزنوا لحن المبادي فالأيادي حنجرة
لونوا قوس الأماسي كيف كاسي محبرة
وطني .. أو اتبرا
اتبرا الطيبة يا منجم الثورات
كيفك بعد غيبة وغربة ووطئ جمرات
رجالتك الهيبة .. نسوانك الحارات
فوق جرايداً مو مفرق ..
لمة الزافين يهنو
شوكن السهم المطرق ..
والصبيط نشاب حننو
التقول لا طير جاء حلق ..
لا إيديات لقطنو
من نجاضو تقول محرق ..
ماهو شيل مرسوم تظنو
فى امو خلقة رب معتق ..
خمر باخوس محننو
ساقن الفى الطين مغرق ..
ثابت اكتر صبَحنو
سبَح التربال ورقرق ..
من كتر ما فرَحنو
غنا صفق يلا غنو .. يللا غنو
فى السنين فى اياماً اصدق ..
بالتعب ظلمك محنو
بالعرق يلا غنو ..
غنو عقبالكم جميع
غنو فالكم ما بيضيع .
بينما نحن نقاسى بين رمضاء الماسى
وأقاصى المقبرة .. فأجتنا اتبرا
فإذا بالمقبرة تتنامى سنبلات
والماسي قبرة
دوزنوا لحن المبادي فالأيادي حنجرة
لونوا قوس الأماسي كيف كاسي محبرة
وطني .. أو اتبرا
اتبرا الطيبة يا منجم الثورات
كيفك بعد غيبة وغربة ووطئ جمرات
رجالتك الهيبة .. نسوانك الحارات
فوق جرايداً مو مفرق ..
لمة الزافين يهنو
شوكن السهم المطرق ..
والصبيط نشاب حننو
التقول لا طير جاء حلق ..
لا إيديات لقطنو
من نجاضو تقول محرق ..
ماهو شيل مرسوم تظنو
فى امو خلقة رب معتق ..
خمر باخوس محننو
ساقن الفى الطين مغرق ..
ثابت اكتر صبَحنو
سبَح التربال ورقرق ..
من كتر ما فرَحنو
غنا صفق يلا غنو .. يللا غنو
فى السنين فى اياماً اصدق ..
بالتعب ظلمك محنو
بالعرق يلا غنو ..
غنو عقبالكم جميع
غنو فالكم ما بيضيع .