مستكاوي
27-11-2008, 06:15 PM
مقـــبرة الممــتاز
(مستكاوي)
مقبرة الخصوم الليـلة رقــدت ريكة
والعجب الملك ماسك زمــام تحريكة
لسة الجاي كتير والحل نهايتو وشيكة
والبعمل شفت يلـقانا نحنا الويــكة
***
الليلة الزعيـم في هيــبة يحمد سيدو
الممتازجمــيل الليله جـاب تحـديدو
فى كل الخطــوط نحنا العـب بنجيدو
بالعجب الرهيب والزهره طمبل وميدو
***
مريخـنا العظيم الليـله موجك عاتى
البغلط عليك حرررم يكـون الخـاتى
طمبل طمبلـول جنب الشـبك بعـاتى
بى فد قون جمـيل قـام طير الشماتى
***
طمبل طمـبلول الليله طـرق فاسـو
دربـك داريوكان بالقـرقريبه وعاسو
ضـاق سيد البلد الليله شفـنا مقاسو
حـارسنا الامين تماها بى نص راسو
***
ما كان العشـم واللع تب يا ســـيدا
الألفاظ كمــان بالحـيل بقيت بتـجيدا
مخـرجنا الخطــير أدانا لقطة فـريدة
بنمشـيها ليك ما بنسـعى لي تخلـيدا
***
اي آر تي شهود إنو السفير أحــرجنا
و نحن الحاضرين يا ريتنا ما إتفـرجنا
عفـواً يا برنس الكاس كتير أبهــجنا
عــادي بننغلب لا ضقنا لا إتزهـجنا
***
العجب الحبيب الزول دا ياخـي أعـذرو
للمنطـــق فقـد ورانا آخرو ونذرو
قائدنا الجسـور اللـيلة تب زاد وزرو
و سفير النوايا خسـارة قــلل قدرو
***
العجب العجـيب بالجـد عجبنا أداءو
بالحيل صال وجال ملك اللعبو أرجاءو
الناس الفصاح اللـي فريقنا أسـاءو
بالقلم الهزيل ضاقوا الوجع و أعباءو
***
شكراً يا كروجر و مازدا و أبراهومة
الإنجــاز كبير بالفكرة و المعومة
مقبرة الخصوم اليوم بقت مردومـة
خليتو الجميع ينعق نعيق البومــة
***
في فرح الزعيم ورينا رايــك ياخـي
الأسـد الجسـور قدامنا يصـبح ناخي
خليك في الصميم من غيرخمول وتراخي
قطاعين رقاب نضرب ضرب سلاّخي
***
الخبر الأكيــد ما فيـهو أيّ تــواني
كاسك يا الزعيم ما أظن يفــوتك تاني
بالدرب العــديل مـابي القفا الوراني
بندك الحصون و البركة في تسـخاني
***
أركان الزعيم صبحت حصون مأمونة
الكاسات دوام جوّة الجيوب مضمـونة
حولنا الرصـــيد حققنا أعلى مؤونة
شيدنا الديار كاسات و بوهـية و مونة
***
دايــماً للأمام ما بنلتفـت للماضي
كل دول الجوار أسسـنا فيها أراضي
طوربيدنا الحبيب للجولة أحسن قاضي
خليك في الصميم وأختى الكلام الفاضي
***
أخوان الجنيد نعم الصـمود و الهيــبة
ماسكين النظـام بي روح جميلة و طيبة
حافظين للزعيم من غير غضاضة وريبة
و البجي في الطريق يادابو شاف الخيبة
***
مقبرة الخصــوم إليـوم بقت منـكوبة
طوربيدنا الخطــير سـوالا دق اللوبة
مقصورة السواد ما لامّة في راكــوبة
أسـرع يا الغزال أدينــا قلبة هـوبة
***
الهدف الوحيد جوة القليب قال حارقو
دا المريخ خطير أحسن تسيبو تفارقو
نحن أهل الفنون حتى اللعب بنسارقو
أبشر يا عجيب جاييك لسّــع وارقو
***
في وسـط الغيـوم نجمتنا فوق بتلالي
مريخنا العظيم بالجد مقامك عـــالي
من خلفك رجــال أمثال جمال الوالي
البـجـي في طريقنا بحت كُنن و بلالي
***
جمهور الزعيم خليك معاي في الصورة
كاساتك دوام جــوة القلوب محفـورة
نحن أهل الفنون و أسياد عموم الكورة
بي إستاد جميل من ناسو لي المقصورة
***
نحن أهل الزعيم جمهورنا دايـماً واعي
في كـل الظروف تلقاهو لينا مراعـي
خلـف الإنتصار و الرفعة دايماً ساعي
مجلسـنا الوقور نعم الأمين الراعي
***
نحن أهــل الكؤوس جوية أو أرضية
الطوربيد ضـرب و القصة تب مقضية
أبو القانـون تعال أمرقلـنا العرضية
يا ناسنا العزاز ما تلفظوا الفضــية
***
نحن جنود شبـاب مانا العجاز كركبنا
بنشق البحـر و الموج بخاف مركبنا
بنخوض الدواس لا خفـنا لا إتكبكبنا
شد و أركب عديل لكن منو البركبـنا
***
في كل الظروف مريخنـا بلعـب كورة
بي الزوق الجميل صفوتنا جد مشهورة
واثقين من سهام طوربيدنا والمقصورة
ما شفنا العجب في يوم بشوت قارورة
***
ده المريخ كبير بي حقو ما متسول
للافضل دوام تلقاهـو جد متحـول
مجلسنا الخبير بالحنكة فيهو نعول
والبجي في الطريق والله ليلو بطول
***
الممتاز وصل أثبتـــنا فيـهو وجودنا
و في الكرم الأصيل في الدنيا باين جودنا
ما راجيـن وزير يسندنا يرفـع عـودنا
و البـدخل رويسـنا نجيبو بي مجهودنا
***
القانون صريح و القصة ماها شـطارة
ما داخلنا سوس مانـا البنـرجى وزارة
قـالوا أبو القوانين قلنا برضو حضـارة
ماسكـين النظـام إلاّ الظروف غـدارة
***
عذراً يا النوايا العمـلوا ليـكي سفارة
كان قوي كان ضعـيف الكورة جد خرخارة
إعــلام السـواد الباقي ليــنا شـــرارة
المعــدن صفيـــحة و اللســان قرقــارة
***
أركـــز يا الزعيــم الليـلة يـوم النتــرة
اليوم الكلام فــي حضــرة أروع سـهرة
بي أروع جنود الصفـــوة جـد مفتخرة
عجبي و طمبلي و في الإحتياط الزهرة
***
النضــم الكتـير و الله ياخـي فلقـنا
جبنا الكــاس عديل لا نـنا لا إتسلقنا
جاهزين بي جيوشنا و لي رويسنا حلقنا
نحن أهل الدواس و الحـل بجيبو قلقنا
***
شفنا مدرجات صاحبنا..(لِّب) .. مبسوطة
و حبيبنا الجنيد بالطــبلة عامل جوطة
جمهورنا العظيم ساط الملاعب سـوطة
بي لغة الورق ممكـن نقول مـربوطة
***
أخوان العجـب بي كل صراحة أجادوا
صاروا مهندسين رسموا اللعب و أبعادو
عن ظاهر القلوب للخطة درسوا و زادوا
خلّوا الشـوف طشاش و الله جد بترادوا
***
أكـرم ود سلــيم الخـبرة جـاية معاهو
دامـرنا الجسـور يا ربي تم مسـعاهـو
و سفـاري الأمــين يتهنى في دنيـاهو
نتمــنى الصـلاح و العـزة لي إيداهو
***
ندعــوك يا كـريم رب العبـاد يـا الله
مريـخنا العظيم في عمرو ما يشوف زلة
أكــرم بي عفـوك قدال و موسى و بلة
و إتولى الشغيل و عطية ما يشوف عـلة
***
يا المتـربصيـن شوفوا الكلام التالي
واتحرو الطـريق مريخنا اصبح عالي
في الكنب السعودي وجيمي ود ناتالي
مافي مقـارنات بين الهبوب والوالي
***
تيـمك يا الـرئيس الوالي ميـة المية
سيرتك في البلاد بي كـل صدق محمية
جيهت الفـريق بالفــرد والكــمـية
نـعم الالـتـزام والله فـيـك محــرية
***
يا رب العبـاد نـتهـني بـي واليــنا
والحـظ السـعيد نـتـمني لــي اوبينا
جمهورنا العظيم انشاء الله يرضـي علينا
نتمنـي الـصمـود والعزة لـي نـاديـنا
***
والينـا الحبيب يــا ربـي احفـظ مـالو
يسعد بي الصلاح والرفعـة فـي اعمـالو
الــزول الصـدوق افعالـو زي اقـوالو
من شر الحسـود يا ربـي حسـن فالو
***
كـل انجـاز جديـد والله جـد بفـرحـنا
بعـد الاجـتـهاد الليلة دابنــا ارتحـنا
لـو درتوا النظـام تلقونا في الوش نحنا
وكان درتو الكجار حرررم تشوفو المحنة
***
مريخنـا العظيـم ورانـا لــون الجمــرة
اتوالـت جمـوعنـا وليهـو جـات معتمرة
لسة الجاي كتيـر مريخنا عـينـك حمرة
يا ناس الوصـيف بالله اعملـوا عمـرة
***
المسكيـن كلتـشي الليلة قاموا عليـهو
ناسيـن فضلـو والارباب كمـان ناسيـهو
ده الكـــان الهـلال جـوة القلـيب خاتيـهو
ستاشـــر هـدف مفـروض يغفــــرن ليهو
(مستكاوي)
مقبرة الخصوم الليـلة رقــدت ريكة
والعجب الملك ماسك زمــام تحريكة
لسة الجاي كتير والحل نهايتو وشيكة
والبعمل شفت يلـقانا نحنا الويــكة
***
الليلة الزعيـم في هيــبة يحمد سيدو
الممتازجمــيل الليله جـاب تحـديدو
فى كل الخطــوط نحنا العـب بنجيدو
بالعجب الرهيب والزهره طمبل وميدو
***
مريخـنا العظيم الليـله موجك عاتى
البغلط عليك حرررم يكـون الخـاتى
طمبل طمبلـول جنب الشـبك بعـاتى
بى فد قون جمـيل قـام طير الشماتى
***
طمبل طمـبلول الليله طـرق فاسـو
دربـك داريوكان بالقـرقريبه وعاسو
ضـاق سيد البلد الليله شفـنا مقاسو
حـارسنا الامين تماها بى نص راسو
***
ما كان العشـم واللع تب يا ســـيدا
الألفاظ كمــان بالحـيل بقيت بتـجيدا
مخـرجنا الخطــير أدانا لقطة فـريدة
بنمشـيها ليك ما بنسـعى لي تخلـيدا
***
اي آر تي شهود إنو السفير أحــرجنا
و نحن الحاضرين يا ريتنا ما إتفـرجنا
عفـواً يا برنس الكاس كتير أبهــجنا
عــادي بننغلب لا ضقنا لا إتزهـجنا
***
العجب الحبيب الزول دا ياخـي أعـذرو
للمنطـــق فقـد ورانا آخرو ونذرو
قائدنا الجسـور اللـيلة تب زاد وزرو
و سفير النوايا خسـارة قــلل قدرو
***
العجب العجـيب بالجـد عجبنا أداءو
بالحيل صال وجال ملك اللعبو أرجاءو
الناس الفصاح اللـي فريقنا أسـاءو
بالقلم الهزيل ضاقوا الوجع و أعباءو
***
شكراً يا كروجر و مازدا و أبراهومة
الإنجــاز كبير بالفكرة و المعومة
مقبرة الخصوم اليوم بقت مردومـة
خليتو الجميع ينعق نعيق البومــة
***
في فرح الزعيم ورينا رايــك ياخـي
الأسـد الجسـور قدامنا يصـبح ناخي
خليك في الصميم من غيرخمول وتراخي
قطاعين رقاب نضرب ضرب سلاّخي
***
الخبر الأكيــد ما فيـهو أيّ تــواني
كاسك يا الزعيم ما أظن يفــوتك تاني
بالدرب العــديل مـابي القفا الوراني
بندك الحصون و البركة في تسـخاني
***
أركان الزعيم صبحت حصون مأمونة
الكاسات دوام جوّة الجيوب مضمـونة
حولنا الرصـــيد حققنا أعلى مؤونة
شيدنا الديار كاسات و بوهـية و مونة
***
دايــماً للأمام ما بنلتفـت للماضي
كل دول الجوار أسسـنا فيها أراضي
طوربيدنا الحبيب للجولة أحسن قاضي
خليك في الصميم وأختى الكلام الفاضي
***
أخوان الجنيد نعم الصـمود و الهيــبة
ماسكين النظـام بي روح جميلة و طيبة
حافظين للزعيم من غير غضاضة وريبة
و البجي في الطريق يادابو شاف الخيبة
***
مقبرة الخصــوم إليـوم بقت منـكوبة
طوربيدنا الخطــير سـوالا دق اللوبة
مقصورة السواد ما لامّة في راكــوبة
أسـرع يا الغزال أدينــا قلبة هـوبة
***
الهدف الوحيد جوة القليب قال حارقو
دا المريخ خطير أحسن تسيبو تفارقو
نحن أهل الفنون حتى اللعب بنسارقو
أبشر يا عجيب جاييك لسّــع وارقو
***
في وسـط الغيـوم نجمتنا فوق بتلالي
مريخنا العظيم بالجد مقامك عـــالي
من خلفك رجــال أمثال جمال الوالي
البـجـي في طريقنا بحت كُنن و بلالي
***
جمهور الزعيم خليك معاي في الصورة
كاساتك دوام جــوة القلوب محفـورة
نحن أهل الفنون و أسياد عموم الكورة
بي إستاد جميل من ناسو لي المقصورة
***
نحن أهل الزعيم جمهورنا دايـماً واعي
في كـل الظروف تلقاهو لينا مراعـي
خلـف الإنتصار و الرفعة دايماً ساعي
مجلسـنا الوقور نعم الأمين الراعي
***
نحن أهــل الكؤوس جوية أو أرضية
الطوربيد ضـرب و القصة تب مقضية
أبو القانـون تعال أمرقلـنا العرضية
يا ناسنا العزاز ما تلفظوا الفضــية
***
نحن جنود شبـاب مانا العجاز كركبنا
بنشق البحـر و الموج بخاف مركبنا
بنخوض الدواس لا خفـنا لا إتكبكبنا
شد و أركب عديل لكن منو البركبـنا
***
في كل الظروف مريخنـا بلعـب كورة
بي الزوق الجميل صفوتنا جد مشهورة
واثقين من سهام طوربيدنا والمقصورة
ما شفنا العجب في يوم بشوت قارورة
***
ده المريخ كبير بي حقو ما متسول
للافضل دوام تلقاهـو جد متحـول
مجلسنا الخبير بالحنكة فيهو نعول
والبجي في الطريق والله ليلو بطول
***
الممتاز وصل أثبتـــنا فيـهو وجودنا
و في الكرم الأصيل في الدنيا باين جودنا
ما راجيـن وزير يسندنا يرفـع عـودنا
و البـدخل رويسـنا نجيبو بي مجهودنا
***
القانون صريح و القصة ماها شـطارة
ما داخلنا سوس مانـا البنـرجى وزارة
قـالوا أبو القوانين قلنا برضو حضـارة
ماسكـين النظـام إلاّ الظروف غـدارة
***
عذراً يا النوايا العمـلوا ليـكي سفارة
كان قوي كان ضعـيف الكورة جد خرخارة
إعــلام السـواد الباقي ليــنا شـــرارة
المعــدن صفيـــحة و اللســان قرقــارة
***
أركـــز يا الزعيــم الليـلة يـوم النتــرة
اليوم الكلام فــي حضــرة أروع سـهرة
بي أروع جنود الصفـــوة جـد مفتخرة
عجبي و طمبلي و في الإحتياط الزهرة
***
النضــم الكتـير و الله ياخـي فلقـنا
جبنا الكــاس عديل لا نـنا لا إتسلقنا
جاهزين بي جيوشنا و لي رويسنا حلقنا
نحن أهل الدواس و الحـل بجيبو قلقنا
***
شفنا مدرجات صاحبنا..(لِّب) .. مبسوطة
و حبيبنا الجنيد بالطــبلة عامل جوطة
جمهورنا العظيم ساط الملاعب سـوطة
بي لغة الورق ممكـن نقول مـربوطة
***
أخوان العجـب بي كل صراحة أجادوا
صاروا مهندسين رسموا اللعب و أبعادو
عن ظاهر القلوب للخطة درسوا و زادوا
خلّوا الشـوف طشاش و الله جد بترادوا
***
أكـرم ود سلــيم الخـبرة جـاية معاهو
دامـرنا الجسـور يا ربي تم مسـعاهـو
و سفـاري الأمــين يتهنى في دنيـاهو
نتمــنى الصـلاح و العـزة لي إيداهو
***
ندعــوك يا كـريم رب العبـاد يـا الله
مريـخنا العظيم في عمرو ما يشوف زلة
أكــرم بي عفـوك قدال و موسى و بلة
و إتولى الشغيل و عطية ما يشوف عـلة
***
يا المتـربصيـن شوفوا الكلام التالي
واتحرو الطـريق مريخنا اصبح عالي
في الكنب السعودي وجيمي ود ناتالي
مافي مقـارنات بين الهبوب والوالي
***
تيـمك يا الـرئيس الوالي ميـة المية
سيرتك في البلاد بي كـل صدق محمية
جيهت الفـريق بالفــرد والكــمـية
نـعم الالـتـزام والله فـيـك محــرية
***
يا رب العبـاد نـتهـني بـي واليــنا
والحـظ السـعيد نـتـمني لــي اوبينا
جمهورنا العظيم انشاء الله يرضـي علينا
نتمنـي الـصمـود والعزة لـي نـاديـنا
***
والينـا الحبيب يــا ربـي احفـظ مـالو
يسعد بي الصلاح والرفعـة فـي اعمـالو
الــزول الصـدوق افعالـو زي اقـوالو
من شر الحسـود يا ربـي حسـن فالو
***
كـل انجـاز جديـد والله جـد بفـرحـنا
بعـد الاجـتـهاد الليلة دابنــا ارتحـنا
لـو درتوا النظـام تلقونا في الوش نحنا
وكان درتو الكجار حرررم تشوفو المحنة
***
مريخنـا العظيـم ورانـا لــون الجمــرة
اتوالـت جمـوعنـا وليهـو جـات معتمرة
لسة الجاي كتيـر مريخنا عـينـك حمرة
يا ناس الوصـيف بالله اعملـوا عمـرة
***
المسكيـن كلتـشي الليلة قاموا عليـهو
ناسيـن فضلـو والارباب كمـان ناسيـهو
ده الكـــان الهـلال جـوة القلـيب خاتيـهو
ستاشـــر هـدف مفـروض يغفــــرن ليهو