المساعد الشخصي الرقمي

مشاهدة النسخة كاملة : فقر البرامج فى تلفزيون السودان

abukrtona
31-10-2005, 10:48 AM
يا اخوانا ليه التلفزيون بتاعنا مازال ماشى لورا ؟
ليه برامج الكلام الكتير وليها مصريين عليها ؟
اين معدين البرامج المبدعين ولماذا طفشوا ؟
وين بصمات مدير التفزيون الجديد ؟
بما انو الخرطوم هى عاصمة الثقافة ليه ما يكرم التلفزيون قدماء التلفزيون من جيل الستينات والسبعينات ؟

ياخى السهرات كلها كلام فى كلام ولا الإعلانات العجيبة المملة لافيها رؤية اخراجية ولافيها تكنينك بتاع مونتاج
فترة المنوعات كلها غنا وبرضه نفس الفنانين ديل يجبوهم فى العيد تانى
غايتو لو اتكرروا انا حاقلب الكرتونة والبسها فى راسى واحوم بيها فى العيد انشا الله بس ما يجيبونى فى التلفزيون
حجر الظلت
31-10-2005, 10:15 PM
الأخ أبو كرتونا ..
سبقتني بي فتح الموضوع ده بس إنتظرني جاييك بي رواقة ...
ولي فوق
himmed
01-11-2005, 02:30 AM
الأخ ابو كرتونه : والله كلامك فى محله !! وبرامج التلفزيون اصبحت ممله ومكرره والوجوه هى نفسها ...
وحتى نشرات الاخبار وطريقه قراءتها بنفس طريقه الاذاعه وليست هى باحسن من التلفزيون وبعض الاخبار أكثر من محليه ولا تستحق ان نشاهدها فى قناة أرضيه ناهيك عن فضائيه !!!..
لا توجد بصمات من المخرجين والمبدعين فى معظم البرامج و بعض المذيعين يتكلمون اكثر من الضيوف حتى لا نعرف من الضيف ومن المضيف !!
الاعلانات !!! لا حول ولا قوة الا بالله !! تخليك ترجع الاشتريته !! اين المبدعين فى بلادى !!
هل نضب كل شئ؟ احيانآ ونحن فى الغربه يكون معنا بعض الاجانب ونخجل بأن نشاهد التلفزيون السودانى فى حضورهم !!
أغيثونا يغيثكم الله......
صلاح
07-11-2005, 08:16 AM
من الصدف ان تحدثنا مجموعة عن سوء البرامج والسطحية فى تلفزيون السودان المشى لى وراء وكان ابلغ رد
[انتو الوداكم تشوفوه شنو
حجر الظلت
07-11-2005, 11:16 AM
من الصدف ان تحدثنا مجموعة عن سوء البرامج والسطحية فى تلفزيون السودان المشى لى وراء وكان ابلغ رد
[انتو الوداكم تشوفوه شنو

الأخ صلاح ..
بداية مرحب بيك في السودان أون لاين
أما بخصوص السؤال الذي يوجهه الكثيرون عن لماذا نشاهد تلفزيون السودان مع وجود عدد كبير من الفضائيات فذلك لأنه التلفزيون القومي والذي برغم سوء أحواله إلا أنه يظل الجهاز المعني بأخبار أهل السودان وهمومهم في الداخل والخارج أو هكذا يفترض ... لذلك تجدنا حريصين على تطوره حتى يواكب الأحداث ويؤدي دوره ،، أما إذا تركناه وتحولنا إلى غيره دون الإكتراث بما يقدمه فهذه كارثة !! فما هي الجهة التي ستغطي هذا الفراغ ؟؟؟
بمعنى أنه لو كانت لدينا فضائيات مستقلة سودانية حينها فقط أقول لك (حريقة في تلفزيون السودان) ...
ولك تحياتي ...