أعمدة رياضيه (لقاء كل يوم )

[السليماني]

http://goansport.net/trawees/rmadan%20copy.gif

اليوم الأثنين 17 نوفمبر أو ليلة الـ 18 طبعا الـ 18 من نوفمبر كما يحلو لنا ان نسميها. ويا لغرام الأهلة بهذا الرقم ومدى التفاؤل به، ليلة لقاء الهلال والمريخ في صراع تحقيق بطولة الممتاز ، البطولة المحببة للهلال والتي حققها بارقام قياسية وبمتواليات خمسة وانتصارات مرجحة للكفة في اللقاءات المباشرة.
.. وبالمناسبة الهلال صاحب اكبر نتائج فوز بالثلاثة وبالاربعة!!
.. والهلال وحده صاحب الفوز على المريخ في عقر داره في السنوات الأخيرة.
. والهلال لم يعرف طعماً مراً للخسارة من المريخ على ملعبه.
* الحق يقال ان بشريات المتوالية السادسة للهلال بدات عندما حقق الاهلي القاهري بالامس الفوز السادس لبطولة الأبطال الافريقية.
* وكم حدثناكم من قبل عن سر الرقم (٦) .....!!
* ربما يكون سر هذا الرقم بهدف صاروخي من فاول أو غيره من ريتشارد صاحب القميص رقم (٦)!!
.. بالمناسبة ريتشارد صاحب اهداف غالية وتاريخية في الاهلي القاهري بطل القرن، وهدف ايضا مع المنتخب في التصفيات الافريقية السابقة!!
* يطالبنا القراء بان نفرد مساحة خاصة للفنان مهند الطاهر ، أو الغزال ، أو ستيفن وردة. كوم!! ونقول بانه يوم عرسه، ويوم التتويج بعد سلسلة من التألق والاهداف الرائعة على المستوى المحلي والخارجي سواء مع ناديه أو المنتخب الوطني!! وفي لقاء اليوم يجب ان يستمر مهند في ذات النهج والاطار ويسجل ، وألم يسجل من قبل في شباك المريخ، وألم يسجل يومها الهلال ثلاثية في المريخ وفي نفس الدوري الممتاز؟ والطريف ان اصحاب آخر ثلاثية في المريخ موجودون الآن بجانب مهند الطاهر هناك كرنقو وكلتشي. وحتى الثلاثية السابقة لهذه يوجد من بين هدافيها الآن البرنس هيثم مصطفى!! واذا كان الكثيرون هوبا وهوبتين من مهند الطاهر ، فلماذا لانتوقعها سجده وسجدتين من البرنس!!
* مهند الطاهر هذه الايام يسجل من تسديدات مباشرة، ومن كرات ثابتة، وع الطاير.
* بالمناسبة تسديدات الغزال مهند الطاهر تحتاج لمتابعين لان الخشبات الثلاثة وربما الحارس في الكثير من المرات يكونون لها بالمرصاد!!
* لاعب آخر يريدنا الأهلة ان نتحدث عنه كثيراً نشيد بمستواه واهميته في حماية عرين الهلال ، وعدم الاستهتار او ارتكاب اخطاء وهناك استهداف واضح للهلال هذه الايام.
* الحق يقال اننا نطالب من الحارس المعز على الاقل في هذا اللقاء الرد عملياً على كتاب المريخ واصحاب »التريقة« وما ادراك ما هدف طمبل الاستروبيا او هدف آخر يصفونه بالشربكة. لكنهم لم يحدثونا عن أهداف بالجملة هزت شباك المريخ واطاحت بالحراس حتى سجلوا رقماً قياسياً الفوز بالهدف الحارق ، والانتصار بالثنائيات ، نذكر منها ثنائية خالد بخيت الشهيرة فمن يكررها اليوم؟ وكذلك ثنائية ريتشارد وقودوين فمن يحييها؟ وتحدثنا عن الثلاثيات وكذلك أشهر رباعية في الممتاز كان ابطالها سانتو - انس النور - زاهر مركز وابوشامة!! فهل تتكرر اليوم ؟ ولماذا لا تتكرر!!
* هكذا نريد للمعز ان يرد على المتشككين!!
* البرنس وعلى طريقته وبقية الفرقة يريدون أن يعوضوا جماهير الهلال ضياع وفقدان البطولة الأفريقية وهم يشاهدون بالامس النهائي الذي كان طرفه مع الاهلي القاهري القطن الكاميروني وكيف تفوق علينا بارضنا بالتعادل وحرمنا من التأهل ووصل الى ما وصل اليه؟!
* رفاق البرنس سيدا قادرون على تعويض الجماهير تلك البطولة والعودة لها من باب أبطال أفريقيا؟!
* وثلاثي الإحتراف يوسف محمد ، كلتشي ، وداريوكان ، نقول بأن اليوم يومهم ويمكن ان يختموا موسمهم مع الهلال بأفضل اداء وأفضل مستوى!!
* والأجمل في لقاء اليوم بجانب رهان البعض على الفنان مهند فإن كثيرين يراهنون على كلتشي الذي إنطلق يسجل ، ويسجل ليتوج ، ويتوج ليسعد القاعدة المليونية من جماهير الأزرق .
* بالمناسبة داريوكان ومرق مطالبان هما الآخران من خلال جولة اليوم للرد العملي وممارسة هواية التسجيل خاصة داريوكان ، ألم يحن الوقت لكيما يسجل في شباك المريخ؟!!
* ويكثر الحديث عن الهلال ومن حقنا أن نفرد له المساحات ، ومن حقنا أن نرد ونجاوب على السؤال الصعب لمن الفوز في لقاء اليوم ، لا أحد يعلم الغيب ، ولكن حبنا للهلال وعشقنا له يجعلنا أن نجاوب بطريقة أخرى ، إننا نتمنى فوزه في لقاء اليوم ، وهذا ما قلناه وذكرناه عبر الكثير من الإستطلاعات التي أجريت معنا بالأمس للعديد من المحطات الإذاعية ولكن في النهاية الأمنيات وحدها لن تحقق الفوز والنصر والبطولة والتوالي السادس مالم يصحبه أداء رجولي ، وبمسئولية وكفاح كبير ودافع قوي ..
٠٠ جماهير الهلال وبجانب كل ذلك لا تريد أن تخسر على ملعبها من المريخ؟! حتي لا تكرر جماهير الأحمر ما فعلته جماهير الهلال عندما غنت وسهرت وعرضت واحتلت الاستاد ورفع لاعبوه العلم فوق العارضة وهكذا ..
٠٠ وجماهير الهلال لا تريد لمسلسل الإنتصارات وعدم الخسارة على مدى 116 مباراة أن يحطم اليوم ..
٠٠ وبرغم أن التعادل لا يحطم الرقم إلا أنه لا يحقق البطولة ..
٠٠ إذن لجماهير الهلال التي لا تريد كل ذلك ، دور وأيما دور في مساندة اللاعبين بقوة والتشجيع على طريقتها الجديدة والتي يجب أن تتوحد وتواصل دون توقف ..
٠٠ اللاعبون يجب أن يساعدوا الحكام بالأداء الجيد ، والبعد عن الإحتكاكات والشجارات والإعتراضات ، والحكام مطالبون بتطبيق القانون والمرونة أن دعى الأمر ، وعدم ترصد فريق ، أو عمل الموازنات ، .. حتى يقنعوا الجماهير بعدم إفتعال المشاكل وإفساد ختام البطولة .. والذي تتأهب سوداني لإخراجه بصورة رائعة وهي تجهز لتقديم كأس البطولة والحوافز للمتفوقين من اللاعبين .
لحن الختام
* المريخاب غاضبون من كروجر قبل إنطلاقة المباراة ، لإبعاده باولينو المتألق وإعتماده على أيداهو الذي أضاع الفريق على المستوى الأفريقي الكونفدرالي وصيامه عن التهديف في الكثير من المباريات الدورية ..
* رهان هلالي عارم هذه المرة على كسب الهلال للمباراة بثنائية من الشوط الاول .. البعض حلم بذلك!!
* محمد على مساعد رئيس نادي أم القرى ورئيس رابطة أهل الهلال هناك ، وبدر الدين أحمد محمد البشير »الخبير« رئيس رابطة أهل الهلال بالزاكياب يهنئون قوون بالشمعة 19 ، ويتمنون الفوز للهلال في لقاء اليوم لإهدائه لروح الفقيد الهلالي السر بابكر أحمد عبد الله .
* حمزة عابدين من ليبيا مهموم بلقاء اليوم ويتمناه هلاليا وكذلك الريح كروم من الدمازين وبدوي عمارة بخيت توقعوا فوز الهلال في لقاء اليوم ..
* الرياضية اف ام 104 إحتفلت بايقاد الشمعة الثالثة مليون مبروك ..
* نتمناه خير ختام لأكبر دوري في السودان ..
* مبروك .. مبروك ..

[ابو محمد]

ويييييين عمودنا نحنا ،، نخلي عنوانه ،، ( الليله يوم الرجال ههههي رجال ... بتاعت الدفاع الشعبي ديك ) ،

[القريشابي]

]http://www.darg3l.com/uploaded/1932_1226901790.jpg
* الكثير من التعليقات (السياسية) تخرج من بنية (رياضية) وعبارة رمي الكرة في ملعبهم·· والكرة في ملعبنا الان·· عبارات ذات دلالة رياضية واضحة، وانت عندما ترمي الكرة في ملعب احد يعني انك تركت له حرية التحرك وفوضته في الامر·
* السياسيون مغرمون بهذه العباراة التي نسمعها كثيراً في الخطب السياسية والمساجلات الرسمية·
* والكرة بالفهم الرياضي الواضح وبالفهم السياسي العميق هي في ملعب الهلال الان، اذ يلعب (الازرق) في ملعبه أي ان الكرة في (المقبرة)·
* الرجاء من المريخاب ربط الاحزمة··· او ربط (الكوفنة)·
* اتماسكوا ·· اثبتوا ·· نحن عارفين (المقبرة) بتطير القلوب··· بتطير العقول·
* عليه نحن نطالب من جمهور الهلال ان يعي ان الكرة في ملعبهم الان وان يعرفوا ان لا خيار امامهم غير الانتصار·
* طريق لاتجاه واحد·
* لن يقبل منكم غير ان تنتصروا لملعبكم··· والخطاب موجه لجمهور الهلال·
* سرني حال جماهير الهلال اول امس فقد حضرت الجماهير بكثافة وبقوة لتعلن وقفتها القوية مع اللاعبين ولتقدم مهر (اللقب السادس) الذي نسأل الله ان يكون من نصيب الهلال·
* نعم الكرة في ملعب جماهير الهلال تحديداً ·· الكرة مع (الجماهير) قبل ان تكون مع (اللاعبين) فمباراة اليوم هي مباراة خاصة لجماهير الهلال·
* (التمريرة ·· التصويبة ·· الهدف ··) كلها اليوم اشياء تطلع من (المدرجات) ·· وزي ما بقول الدوش (بتطلعي انت من غابات ومن وديان ومني انا ·· ومن صيحة جروف النيل مع الموجة الصباحية ·· ومن شهقة زهور عطشانة فوق احزانها متكية)·
* نريد ان يكون الكل في استاد الهلال اليوم ضيوفاً حتي لاعبي الهلال لننعم بخدمة جماهير الهلال (اهل البيت) الذين يجب عليهم ان يقولوا كلمتهم بقوة دون ان يخرجوا من السلوك القويم الذي عرف به الهلال وتشبع به الجمهور·
* اليوم قبل ان نتجه الي هيثم مصطفي حفظه الله ورعاه ونسأله ان يسطر لنا (خطوط العرض والطول) بالورقة والقلم في تحركات الكتيبة الزرقاء نتجه قبل ذلك كله الي اللاعب رقم واحد (الجمهور) الذي نحسب انه هو الذي يملك ان يحسم مباراة اليوم·
* اليوم تحسم البطولة ونحرز ان شاءالله البطولة السادسة علي التوالي بواسطة اللاعب رقم واحد·
* هو اللاعب المناط به حراسة مرمي الهلال قبل المعز محجوب ··
* هو اللاعب الذي نسأله ان يدافع عن الهلال قبل ريتشارد وداريوكان ومرق·
* ذلك هو قدر اللاعب رقم واحد (الجمهور)عليه ان يصنع اللعب قبيل هيثم مصطفي ونسأله كذلك التسجيل والتصويب قبل مهند الطاهر وكلاتشي وفييرا·
* نعم الكرة عند جمهور الهلال ·· اليوم لن نسأل البرنس ولا مهند ولا المعز ولا الديبة ولا صلاح ادريس·
* سوف نسأل فقط جمهورالهلال ·· وإنا نسألهم لعلمنا بسخاء ذلك الشعب الأزرق وبطيب عطائه ·· نسألهم لانهم اكثرنا حباً للهلال واكثرنا عطاء له·
* نسألهم وهم اقدر علي التمام وعلي اكمال الهلال بدراً ·· نسألهم بعد ان توجهنا بسؤالنا للمولي عز وجل فكان سبيلنا نحوكم وهدفنا لا يحقق بعد التوفيق من عند الله إلا عبر مساندتكم وتشجيعكم ·
* تعالوا نشجع في فرح ونعطي بحب دون ضغط ودون تشنج ودون تهور ·· نريد ان يكون انتصارناً جميلاً ·· وهو لن يكون جميلاً إلا عبر مساندتكم القوية·
* وحدكم من (يعطي النخلة طولها ·· والغابات طبولها) ·· انتم من يعطي الفرحة قبولها ·· والقيلولة ظلها·
* الهدف الاول للهلال اليوم طريقنا اليه (حناجركم) ·· بها نسجل ونحرز ونمرر وبها يكتمل الهلال بدراً·
* وقبل كل ذلك دعاءكم هو الذي يحمي الهلال وهو الذي ينصره ·· فتقربوا في هذا اليوم لله واسألوه ان ينصر فريقكم فهو في حاجة لكم في هذا اليوم·
* تعلمون الضغط الذي تعرض له الهلال والظلم الذي لحق به وكفي ان نتوقف عند مسيرة الهلال في هذا الموسم لنري العناء الطويل والعقبات التي وضعت في طريقه لتمنع عنا اللقب·
* تعلمون كيف كانت تفرش الطرق للمريخ ورودا·· بوسائل شتي ادناها مساندة الحكام من اجل ان يفوزوا بلقب ظل بعيدا منهم خمس سنوات·
* لذا تبقي مساندتكم اليوم امر لا بد منه وانتم لا تبخلون علي الهلال ولا تمنعون وصلكم ولا دعاءكم ·
* نذكركم فقط ان يكون عطاؤكم في هذا اليوم اكبر·
* اعلموا ان المريخ يتقدم عليكم في هذه المرة بالنقاط وهو افضل منكم في الدفاع وافضل منكم في الهجوم ويدخل مباراة اليوم بفرصتين وهذا يعني ان يكون عطاؤكم اكبر ومساندتكم اقوي·
* هذا امر يجب ان يستفزكم ·· ويجب ان يحرض قدراتكم علي المزيد من العطاء·
* احترموا المريخ في هذا اليوم وامنحوه قدره حتي تنتصروا عليه واعلموا ان النصر لن يكون إلاّ باحترامكم له ·· ولن يكون احترامكم ظاهراً إلا بمساندتكم القوية للهلال·
* تعالوا نشجع اليوم بقوة وبحب حتي يتفرغ لاعبو الهلال للعطاء وتقديم الروائع·
* بمساندتكم ينتصر الهلال علي المريخ وينتصر علي التحكيم وينتصر علي الاتحاد·
* كل الاشياء يمكن ان تتغلبوا عليها اليوم بوقفتكم وتشجيعكم·
* سوف تنتصروا علي الظروف وعلي العوارض وعلي الحظ ان كان حضوركم اليوم كبيراً·
* مقاعد استاد الهلال محدودة تعالوا لتحتلوا اماكنكم من وقت بدري ·· تعالوا لتشهدوا اعظم الانجازات وقائدكم يتوج باللقب السادس باذن الله وتوفيقه·
* تعالوا نسد كل الفراغات ·· نغني ونبتهل ونضحك ونتونس ·· نشرب الشاي في المدرجات ونتبادل التحايا والاقوال والتسالي والفول والترمس·
* تعالوا لنكرم ضيفنا ووصيفنا بالاهداف ·· لا نريد اكثر من الانتصار عليه في هذا اليوم ·· هذا هدف يبقي المقبرة خالية من الخسارة ·· ويحفظ لنا سجل التوالي السادس للممتاز·
* تعالوا من وقت بدري المقاعد محدودة نريدها ان تمتليء كلها بالزرقة وان تلبس البياض ونحن نزف اللقب السادس للهلال·
* تعالوا نقدم دليل حبنا للهلال ونكون اليوم خداماً للهلال طالما اهداف اليوم كتب لها ان تسجل عبر الحناجر والصفقة والوقفة القوية·
* تعالوا نكون في هذه الامسية في لمة واحدة ·· هي فرصة ان يلتقي الهلالاب ببعضهم البعض نتناقش ونتكلم ونتونس·
* نحكي عن البرنس ·· زول فيه كل صفات القيادة ·· فيه شموخ الهلال وعزته وروعته·
* زول مننا وفينا ··· همو همنا ·· وهدفو هدفنا·
* احكوا عن مهند الطاهر ·· قيصر زمانه ·· يملك كل الحلول في قدمه اليسري·
* جرب كل عمليات التوافق والتبادل ·· احرز بكل الطرق ·· سجل روما في انتظارك·
* احكوا عن الاسمر فييرا ·· فارس بني هلال ·· فيه ملامحنا ·· فيه هلاليتنا ·· الخضرة ·· والقوة والعيون العسلية·
* زول شال عشقنا ·· للنيل ·· للبلد ·· للهلال ·· للارض·
* تعالوا نتونس بيهم ·· ونمرر ليهم الكرة ·· نحن الليلة عاوزين نلعب معاهم··· مننا وليهم ·· بينا وبينهم ·· حكاية وقصة طويلة·
* بين الجمهور ومساوي عاوزين (نقلة) ·· و(شيلة) بين المشجعين وريتشارد ·· و(صفقة وشبال) بين كلاتشي والمدرجات الشمالية·
* حتي (كراسينا ·· مدرجاتنا) ·· عاوزنها تشاركنا طرب هذا اليوم ان شاءالله·
* الليلة عاوزين نشاركهم في الباص ·· في التمريرة·· في الهدف·
* حتي (انفاسنا) الليلة ··تنساب معهم ·· تنزل وتطلع ···· في كل قون·
* الليلة عاوزين نكون كلنا (حراس مرمي) ·· وكلنا (مساكين) ·· وكلنا (صناع لعب) ·· وكلنا (محور)·· وكلنا (رؤوس حربة)·
* اليوم كلنا مرق ·· وكلنا داريوكان ·· وكلنا مهند الطاهر ·· وكلنا النعيم رونالدينو·
* ايدنا واحدة ·· وقدمنا واحدة ···وهدفنا واحد·
* الصحاف من هيثم مصطفي ما بنفرزو ·· وبلولة من يوسف محمد ما بنعرفو·
* كلنا تنقا ·· والديبة ·· ومحمد حسين كسلا··· ومعتز كبير·
* كلنا محمد حمدان ومنقستو ·· وعبدالله السماني·
* كلنا لازم نكون هناك ·· الليلة الشيلة شيلتنا ·· والصفقة صفقتنا ·· والحفلة حفلتنا والملعب ملعبنا·
* اللاعب في الهلال لو اخطأ بنشجعو اكتر ·· و بصورة اقوي·
* تعالوا من بدري·
* الغدا·· سندوتشات محشية من تمريرات البرنس·
* العشا·· مشويات تصويبات مهند الطاهر الساخنة·
* تعالوا جيبوا شعاراتكم ·· وجركاناتكم ·· أي مشجع يجيب ليه حاجة يشجع بيها·
* ما تقعدوا ساي ·· ادخلوا من بدري·
* اعملوا العليكم والباقي علي الله الذي نسأله ان ينصر الهلال وان يعزه باللقب السادس علي التوالي·
* ملحوظة : يا هلالاب الله معاكم·
هوامش
* اتنين قعدوا يتغالطوا لينا في البرد دا·
* واحد قال (لو بهمسة) حقت وردي ·· وواحد تاني قال (لوبهمسة) دي بغنيها هيثم مصطفي·
* بيني وبينكم والكلام دا ما يطلع برة شفنا (تمريرة) البرنس ·· قمنا اقتنعنا·
* قالوا ليكم نحن بنقتنع بالساهل·
* اليوم كلو نتغالط·
* تقول رايحة لينا ركشة·
* في واحد قال لينا انسوا الموضوع دا ·· نسينا·
* قام تاني ظهروا لينا اتنين بتغالطوا·
* واحد قال لينا (النجار) القعد معاه مهند الطاهر ·· بركب الست ضلف في ضلفة واحدة·
* التاني قال الكلام دا ما صاح ·· مهند ما قعد مع (النجار) ·· النجار هو القعد مع مهند الطاهر·
* قالوا (النجار) عاوز يأخذ ليه نقلة ·· نقلتين ·· صاحبكم عاوز (يقشر) علي نجارين الحلة·
* النجار عيشتو تطير·
* نحن ما عارفين في البرد دا نصدق منو؟·
* هسع وينو البرد؟·
* البرد في عينك·
* قلنا نطلع من الحتة دي ·· مشينا قعدنا لينا تحت شجرة نبق·
* عملنا فيها ما عارفين أي حاجة ·· مرات بنعمل كدا·
* في قعدتنا دي جوا علينا اتنين يتغالطوا ·· ما عرفنا نمشي وين؟·
* قلنا ليهم في البرد دا بتتغالطوا مالكم ·· جبتوا لينا البرد·
* شبكونا ليك امثال وحكم وقصص قصيرة ·· لما الواطة مغربت·
* اخر حاجة عرفنا انهم بتغالطوا في (فييرا)·
* ساعة ونص ونحن ما فاهمين الغلاط في شنو؟·
* تفتكروا كانوا بتغالطوا في شنو؟·
* ما واضحة ·· كمان دي عاوزة ليها درس عصر·
* واحد قال بصم··· التاني قال ما بصم ·· نحن اليوم كلو في بصم ما بصم ··بصم ما بصم·
* اخر حاجة (اتبوصمنا) وطلعنا·
* في هذا اليوم اخشي علي المريخ من (داريوكان) ··· داريوكان دا قونو عاوز يجيبو متين في المريخ ·· لو ما جابو الليلة·
* يا مريخاب كلاتشي خلوه ··· اعملوا حسابكم من داريوكان·
* يا مهند هوبتين الليلة ما كفاية·
* الهوبنة ·· اقلب الشريط·
* فييرا لو ما سجل ·· بكتل ليه (كشافة)·
* صالح عبدالله من نص فرصة وربع ساعة ممكن يجيب ليه قون·
* مساوي كيف؟·
* خبر عاجل: خلوها علي الله·

[السليماني]

يديك العافيه ياقريشابي

والله من المداومين لقراءة عمود محمد عبد الماجد

[القريشابي]

يديك العافيه ياقريشابي

والله من المداومين لقراءة عمود محمد عبد الماجد

محمد عبد الماجد كاتب لذيذ وساخر جدا
ودوما ابدأ يومي بتصفح قوون واعمدتها
وخاصة عمود محمد و عبد المولي الرجافة
بالمناسبة محمد عبد الماجد بلدياتنا
وهو عم ود بقروسي ( حمدي السمر )

[عباس ودأرتولي]

وبعدين ..تاني عندكم شنو..؟؟؟؟؟؟؟؟؟؟؟؟؟؟؟؟؟
ولا خلاص كلام الجرايد كملتو..وبقيتو تشكروا في بعضكم

[الكلس]

السليماني . . .
أسعد الله يومك . . . حقيقي إبداع . . . بس أنا عاتب عليك . . .
بما أنك مشرف المنتدي الرياضي نرجو أن يكون تناولك للمواضيع الرياضية أن يكون من زاوية التنويع ومراعاة حقوق الأطراف الثانية . . . . دا ما كلام مريخابي دا كلام مشرف زيك . . . وبحاول يحيد المشرفين بقدر الأمكان لمراعاه جوانب عديدة في المنتدي . . . ولأنك قاضي هذا المنتدي أرجو شاكرا التكرم بإعادة النظر في كونك المشرف الرياضي . . . سمعت ندائي. . .

[القريشابي]

وبعدين ..تاني عندكم شنو..؟؟؟؟؟؟؟؟؟؟؟؟؟؟؟؟؟
ولا خلاص كلام الجرايد كملتو..وبقيتو تشكروا في بعضكم

انتو جيتو يا خوي
حبابكم
باقي ساعات

الرجفان كيف؟
ما تقول لي ماك راجف
لو نما رجفت وخفت
راجع نفسك
نحن اسياد البلد ,,,,,, لمن نتذكر انو الدقائق قربت
الرجفة بتحصل
الله يهون وتكون مباراة نضيفة
لانو الشحن الشايفو دأ ح يولع الحكاية
وتكون نااااااااااار
الله يستر
ما تحصل مصيبة

[عمدة الجعلي]

عادة لا اصرح و لاابدي اي رأي في اي مناقشة قبل هلال مريخ ( خوف .... رجفة ) ماعارف بالضبط شنو لكن هذة المباراة اصرح واقول ربنا يستر .........
اخاف من ان يضيع التوالي السادس .............
اذا عدت العشرين دقيقة والمريخ لم يحرز هدف وانشاء الله ما يحرز هدف .... سوف يكون التوالي السادس بإذن الله وامسكوا الخشب ...
امس واثناء مشاهدة مباراة الاهلي المصري والقطن الكاميروني ... كان معانا واحد مريخابي قال لي اوع يكون نمرة (11) بتاع الكاميرون دة اللي عاوز يجيبةالارباب ... ماسورة من هسع ...

[ابو محمد]

السليماني ، تحياتي . فعلا الكلس كلامه صاح ، جيب ليك برضو مقالين من الصدي - ونخليها حلوه شويه وانت زح بعيد ، نحن بنلعب معاهم هنا ،، ولايهمك بنغلبهم هنا وفي المقبرة !!

[السليماني]

السليماني . . .
أسعد الله يومك . . . حقيقي إبداع . . . بس أنا عاتب عليك . . .
بما أنك مشرف المنتدي الرياضي نرجو أن يكون تناولك للمواضيع الرياضية أن يكون من زاوية التنويع ومراعاة حقوق الأطراف الثانية . . . . دا ما كلام مريخابي دا كلام مشرف زيك . . . وبحاول يحيد المشرفين بقدر الأمكان لمراعاه جوانب عديدة في المنتدي . . . ولأنك قاضي هذا المنتدي أرجو شاكرا التكرم بإعادة النظر في كونك المشرف الرياضي . . . سمعت ندائي. . .

لا ماسمعت ...

يازوووول العائز نزل اي شي هو

انا هلالابي قبل ان اكون مشرفت سمعت

لو خيروني بين خيارين

جعلي والا هلالابي حبشي

بقولهم هلالابي حبشي

فهمت والا عائز ضرب مثل تاني

[السليماني]

السليماني ، تحياتي . فعلا الكلس كلامه صاح ، جيب ليك برضو مقالين من الصدي - ونخليها حلوه شويه وانت زح بعيد ، نحن بنلعب معاهم هنا ،، ولايهمك بنغلبهم هنا وفي المقبرة !!

ههههههههه لا صااااااح ولا شاف الصاااااااح بعينو

انا هلالابي والهلال يجري في دمي

قبل ان اكون مشرف هلالابي وسأظل هلالابي

[الكلس]

لا ماسمعت ...

يازوووول العائز نزل اي شي هو

انا هلالابي قبل ان اكون مشرفت سمعت

لو خيروني بين خيارين

جعلي والا هلالابي حبشي

بقولهم هلالابي حبشي

فهمت والا عائز ضرب مثل تاني

ههههههههه لا صااااااح ولا شاف الصاااااااح بعينو

انا هلالابي والهلال يجري في دمي

قبل ان اكون مشرف هلالابي وسأظل هلالابي
يا شيخنا بي راحتك . . . وعليك الله كمان ركب هاك غير اسم المنتدي لي دار الهلال . . . . كدا سمعتني . . . .

[الكلس]

<object width="425" height="344"><param name="movie" value="http://www.darg3l.com/uploaded/2272_1226929067.wmv"></param><param name="allowFullScreen" value="true"></param><param name="allowscriptaccess" value="always"></param><embed src="http://www.darg3l.com/uploaded/2272_1226929067.wmv" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
نحـنا غايـتو عنــدنا مسمــار واحــد . . . .

[ودالمبلول]

مشكووورين على المجهود

[ودالمبلول]

<object width="425" height="344"><param name="movie" value="http://www.darg3l.com/uploaded/2272_1226929067.wmv"></param><param name="allowFullScreen" value="true"></param><param name="allowscriptaccess" value="always"></param><embed src="http://www.darg3l.com/uploaded/2272_1226929067.wmv" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
نحـنا غايـتو عنــدنا مسمــار واحــد . . . .





مشكوووووووووووووووووووور ياكلس


انا عندى واحده بتاعت العجب وداريو ح انزلها قريب

[الكلس]

مشكوووووووووووووووووووور ياكلس


انا عندى واحده بتاعت العجب وداريو ح انزلها قريب

ألحقني بيهم سريع . . . الجماعة أعصابم بايظة حتي الكلام بقي يجوط عليهم . . . . :sm263:

[السليماني]

ألحقني بيهم سريع . . . الجماعة أعصابم بايظة حتي الكلام بقي يجوط عليهم . . . . :sm263:

يانااااااااااااااااس انتو راجين شنو ماتشتتو

[السليماني]

يا شيخنا بي راحتك . . . وعليك الله كمان ركب هاك غير اسم المنتدي لي دار الهلال . . . . كدا سمعتني . . . .

اسمع ليك شنو

جني وجن التنظير

يلله روح قد

شوف ليك شغله اشتغله

كلامك دا قولو بالماسنجر

ياحليل الناس البتفهم

حجر الزلط والله انت بالجد ماساهل ارباب وبتفهم الاصول كويس ...علم قريبك دا يازلط

[الكلس]

اسمع ليك شنو
جني وجن التنظير
يلله روح قد
شوف ليك شغله اشتغله
كلامك دا قولو بالماسنجر
ياحليل الناس البتفهم
حجر الزلط والله انت بالجد ماساهل ارباب وبتفهم الاصول كويس ...علم قريبك دا يازلط
:tee43::tee43::tee43::tee43::tee43: دا يا جماعة أخوكم خلف الله . . . افتكر المنتدي الرياضي ورثوه ليهوووووو . . . . أنت فاكره زراعة. . .
وبعدين الفاضي لي منو عشان يخش معاك ماسنجر . . . قوم عليك الله شوف ليك شغلة تانية. . .
حاجه تانيه . . . أنا عندي البفهمني الأصول إنت ح تتعلم الأصول وين . . . . :tee43::tee43:

[بت الباوقه]

نعم للمحايده
لا للعنصريه

[ودالمبلول]

نعم للمحايده
لا للعنصريه



يابت ماتمشى تنومى

[الكلس]

يابت ماتمشى تنومى

تنوم وين مع المسمار دا. . . .

[الكلس]

المنتـدي بقـا زي بيـت البكـا يا كافــي الـبلا . . .
ويـن نـاس زعيـط ومعيــط . . . وين الحبشي . . . طفش برضو . . .

[الكلس]

<object width="425" height="344"><param name="movie" value="http://www.darg3l.com/uploaded/2272_1226929067.wmv"></param><param name="allowFullScreen" value="true"></param><param name="allowscriptaccess" value="always"></param><embed src="http://www.darg3l.com/uploaded/2272_1226929067.wmv" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
الليله المريخ . . . من استادو قام ساير . . .
أدوهو كاس الممتاز . . . وخلي الوصيف حاير. .

[الكلس]

<object width="425" height="344"><param name="movie" value="http://www.darg3l.com/uploaded/2272_1226929067.wmv"></param><param name="allowFullScreen" value="true"></param><param name="allowscriptaccess" value="always"></param><embed src="http://www.darg3l.com/uploaded/2272_1226929067.wmv" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
الليله المريخ . . . من استادو قام ساير . . .
أدوهو كاس الممتاز . . . وخلي الوصيف حاير. .

[الكلس]

<object width="425" height="344"><param name="movie" value="http://www.darg3l.com/uploaded/2272_1226929067.wmv"></param><param name="allowFullScreen" value="true"></param><param name="allowscriptaccess" value="always"></param><embed src="http://www.darg3l.com/uploaded/2272_1226929067.wmv" type="application/x-shockwave-flash" allowscriptaccess="always" allowfullscreen="true" width="425" height="344"></embed></object>
الليله المريخ . . . من استادو قام ساير . . .
أدوهو كاس الممتاز . . . وخلي الوصيف حاير. .

[ابوبكر يوسف]

يا السليماني ماتاخزههم ده فهم الاقليات والكلس ده واحد منهم

[ابوبكر يوسف]

انت يالكلز من الليله دي حنعفيكم من لقب الوصيفاب مؤقتا وحنديكم لقب الورقاب . الوصيف وصيف حتي لو شال كاس العالم

[الكلس]

يا السليماني ماتاخزههم ده فهم الاقليات والكلس ده واحد منهم
:sm263::sm263:

[الكلس]

انت يالكلس من الليله دي حنعفيكم من لقب الوصيفاب مؤقتا وحنديكم لقب الورقاب
أنتو منو . . . وبي تتكلم فوق كم . . . تاريخكم فيهو شنو عشان تتكلموا بيهو . . . . والله عايز تبقي زي الحبشي . . . :sm263::sm263::sm263: نحن الساس والراس . . . ونحنا البي نغلب الناس . . . . . ممتاز نهي كي . . .