الراجل افجخى بصلة قبل ما يبقى اصلة

[هشام عباس عمر]

قالوا قبيل الواحد عشان يلقى مرة يعرسها كان بيدخل فى ورطة زى ورطة امريكا فى العراق والسبب طبعا ليس كاسباب اليوم الغلى والحلى
لكن من قل الحروم يعنى الواحد من اجدادنا يشوف مرة بالصدفة يهنق اسبوع تمام والحب دة كان زى الافيون يودى الزول لو اتقبض بالثابة
فى ستين داهية لكن تعال شوف الليلة بالله البنات بقن على قفا من يشيل والله الواحدة فيهن تتحكحك فيك لامن بقينا زى المخنسين وتعال شوف
قصص الحب الواحدة تقعد معاها ساعةتصل العقد وبعد مرات فى فد جلسة تكونوا سميتوا الاولاد عشان كدة بق مافيهن حاجة تستفزك والله
لو بقت نانسى مجرم ولا روبى وقبل مدة حكت الصحف المصرية ان عامل مصرى بسيط اصيب بجرثومة نانسى وتطور المرض الى مرض
روبى المزمن فقتل زوجته والقصة ببساطة ان العامل البسيط الذى لا يعلم حتى من هو رئيسه بل يعتقد ان عبد الناصر لا يزال هو الرئيس
ويهضرب ليلا باليهود والتأميم عاد منهكا من عمله وكالعادة اتجهت زوجته ست البيت عشان الغدا وجلس هو يتابع التلفزيون فاذا
بروبى بشحمها ولحمها امامه وتعرفون ان روبى قادرة –بسم الله ماشاء الله – بحركاتها ان تهز امام الازهر ذاتو وانا المحيرنى البت دى
بتحرك حاجاتا ديك كيف ؟؟ غايتو نحنا حريمنا – الله يخليهم- الواحدة عشان تلتفت ساى زى لورى الطوب قومة نفس وحاجات تانية حاميانى
المهم الرجال طلب من مرتو يعمل زى روبى وهى صعيدية من نوع المابتقابل راجلها الا فى حضور محرم ابت وقالت دى زنا والراجل
شال سكينتو وقطعا حتة حتة ..وطبعا دى لا اول ولا اخر ضحايا الروبية لكن دى الحاجة الطلعت والعزاء فى حرومنا .......................
نرجع لى موضوعنا لانو لو اندمجنا مع ناس روبى الواحد بينسى اسمو ...المهم ناس زمان رغم قلة الجنس اللطيف – مع انهم لا لطاف ولا حاجة-
كان الواحد منهم حمش ومع الضيق والعدم كانوا حاقرين بالنسوان جنس حقارة والمثل عندهم المرة كان فاس مابتشق الراس والحروم كانوا
قنعانين بى قسمتن وتعال شوف الليلة مع كترتن البقت زى الهم على القلب عشان تزوج قدامك الف شرط دة لو لميت حق المهر والشيلة
والسبب طبعا فينا رجال الزمن ديل –يا حليل الرجال الكانوا بيكسروا السرير-قبل ايام قليلة شهدنا فى قناة دريم حلقة قالوا مميزة جايبين واحدة
اقصد واحد –واتحدى اى زول كان يعرفو ولد ولا بت –شعرو سايل كالدهب والجسم منور زى اللمبة الاقتصادية –دى طبعا من اختراعات اهل الانقاذ-
وببساطة الود قال عايز يبقى بت انا قلت احسن لانو مافى حاجة فيه ولد وطبعا مافى طريقة عشان نتأكد لكن الدكاترة فى الاستديو اصروا على السعال
-السؤال- والغريبة انو مافى خلل فيزيولوجى ولا حاجة قال ايه بيحب يبقى بت وخلاص !!!!!!عليكم الله البنات ديل ماعندهن حق ؟؟؟؟؟؟؟؟؟
عشان كدة ومع انو الشينة منكورة نعترف بانو البنات حاقرين بينا واذا الامور استمرت بالطريقة دى حنشوف قريب الراجل بيرضع الاولاد
فى البيت والست مارقة الشغل..وقصة الشغل فى السودان بقت قصة براها كمان تتقدم لى وظيفة الشرط دايما صورة وطبعا المدير حيبص
للصور وايش جاب لجاب ياعبد اللاب مش ممكن يخلى وردة مفتحة ويختار واحد ممكن يقعد محل القرد فى حدايق ستة ابريل بدون مازول يشعر
بالفرق ...وتعال شوف عدد العطالة والبنات قاعدات فى المكاتب ...والظاهر ان بنات اليوم يطبقن ما فشل فيها اماتن الراجل افجخى بصلة قبل
ما يبقى اصلة ..اللهم يا منجى لا تحاسبنا بما فعل السفهاء منا ونجنا من الفجخ والتبصل واجعلنا كالاصلة يلدغ ولا يلدغ يارب.....................